नेपाली राष्ट्रिय टोलीले बङ्गलादेश विरुद्ध हुने खेलको लागि आज धनमोंड़ी खेल मैदानमा तेस्रो दिनको अभ्यास गरेको छ ।
नेपालले नोभेम्बर १३ र १७ मा दुई मैत्रीपूर्ण खेल खेल्दै छ ।
नेपालका मुख्य प्रशिक्षक योहान कालिन अहिलेको अवस्थामा नेपाल आउन सम्भब नभए पछि एन्फाले बालगोपाल महर्जनलाई प्रशिक्षकको जिम्मेवारी दिएको थियो ।
त्यस्तै एन्फाले किरण श्रेष्ठलाई सहायक प्रशिक्षक र विकास मल्ललाई गोलकिपर प्रशिक्षक पनि नियुक्त गरेको छ । बालगोपालको प्रशिक्षणमा नेपालले झण्डै एक बर्ष अगाडी दक्षिण एसियाली खेलकुद पुरुष फुटबलमा स्वर्ण पदक र बंगलादेशमा २०१६ मा बंगबन्धु गोल्डकपको उपाधि हात पारेको थियो ।