२०१८ को अक्टोबरमा बार्सिलोनाले पाँच गोल हाने यता रियल म्याड्रिडले स्पेनिस ला लिगामा यति धेरै गोल खाएकै थिएन । तर आइतबार रियल निकै खराब शुरुवात गरेको भ्यालेन्सियासँग ४–१ ले पराजित हुन पुग्यो जसमा चार गोल नै डिफेन्डिङ्ग च्याम्पियनको उपहार थियो ।
भ्यालेन्सियाले तीन पेनाल्टी पायो र कार्लोस सोलरले सबैमा गोल गर्दै ह्याट्रिक गरे भने अर्को एक गोल आत्मघाती रहेको थियो । यसै बर्ष माथिल्लो श्रेणीमा उक्लिएको काडिज र च्याम्पियन्स लिगमा सख्तर दोनेस्कसँगको अप्रत्याशित हारपछि सम्हालिदै बार्सा, हुवेस्का र इन्टर मिलानलाई हराएको इन्टर शिर्ष स्थानको रियल सोसिडाड भन्दा चार अंकले पछि परेको छ ।
करिम बेन्जेमाले मेस्टाला स्टेडियममा रियललाई २२ औं मिनेटमै अग्रता दिलाए त्यसपछि उनको टोलीको खराब समय शुरु भयो । ८ मिनेटपछि नै भ्यालेन्सियाले पेनाल्टी पायो । सोलारले पहिलो प्रहार गर्दा थिबाउ कोर्ट्वा लाइनबाट बाहिर आएपछि फेरि हान्न लगाइएको थियो । सोलर सफ भए । उनले ३५ औं मिनेटमा पनि अर्को पेनाल्टीको सदुपयोग गरे ।
म्याड्रिडको दिन यति खराब थियो कि ४३ औं मिनेटमा भ्यालेन्सियाले पोस्टमा आक्रमण बुनिरहदा सर्जियो रामोसले डिफेन्ड गर्दै गरेको राफेल भारानेको हातमा लागेर आत्मघाती गोल भयो । खेलको अन्त्यपनि सोलरकै पेनाल्टीबाट भयो ।
“यहाँ हारको कुनै बहान अथवा र ढांकछोप गर्ने ठाँउ नै छैन । यो एउट खराब खेल र खराब दिन थियो । हामीसँग जे पनि हुन पुग्यो,” प्रशिक्षक जिनेदिन जिदानले खेलपछि भने । खेल शुरु हुनु अघि १७ औं स्थानमा रहेको भ्यालेन्सिया जितपछि १२ औं स्थानमा उक्लिएको छ ।
आइतबार नै भएका अन्य खेलरुमा रियल सोसिडाड ग्रानडालाई २–० ले पराजित गर्दै शिर्ष स्थानमा उक्लियो । यस क्रममा सोसिडाडले भिलारियला र एट्लेटिको म्याड्रिडलाई पछि पार्यो । भिलारियालले पनि गेटाफेलाई ३–१ ले पराजित गरेको थियो । रियल भालाडोलिडले एथ्लेटिक बिल्बाओलाई २–१ ले हरायो भने लेभान्ते र आलाभेसले १–१ गोलको बराबरी खेलेका थिए ।
