बंगलादेशसँगको मैत्रीपूर्ण खेलका लागि ढाका पुगेका नेपाली राष्ट्रिय फुटबल टिमका सबै सदस्यको कोरोना रिपोर्ट नेगेटिभ आएको छ ।
अखिल नेपाल फुटबल संघ (एन्फा) ले २५ खेलाडी सहित ३४ सदस्सीय नेपाली टोलीको कोरोना नेगेटिभ आएको जनाएको छ ।
ढाका पुगेपछि नेपाली टिमको शुक्रबार पीसीआर परिक्षण गरिएको थियो ।
खेलाडी र अफिसियलको कोरोना रिपोर्ट नेगेटिभ आएपछि नेपाली टोलीले आइतबारबाट मैदानमा प्रशिक्षण थाल्ने छ ।
नेपालका मुख्य प्रशिक्षक योहान कालिन अहिलेको अवस्थामा नेपाल आउन सम्भब नभए पछि एन्फाले बालगोपाल महर्जनलाई प्रशिक्षकको जिम्मेवारी दिएको छ ।
त्यस्तै एन्फाले किरण श्रेष्ठलाई सहायक प्रशिक्षक र विकास मल्ललाई गोलकिपर प्रशिक्षक पनि नियुक्त गरेको छ । बालगोपालको प्रशिक्षणमा नेपालले झण्डै एक बर्ष अगाडी दक्षिण एसियाली खेलकुद पुरुष फुटबलमा स्वर्ण पदक र बंगलादेशमा २०१६ मा बंगबन्धु गोल्डकपको उपाधि हात पारेको थियो ।
राष्ट्रिय टोलीमा परेका खेलाडीहरु: बिशाल श्रेष्ठ,सुजल श्रेष्ठ,रन्जित धिमाल,सुमन अर्याल,नवयुग श्रेष्ठ,सेशेहाङ आङदाम्बे,जर्ज प्रिन्स कार्की,बिकास खवास,भरत खवास,सरोज दाहाल,सुबास गुरुङ,तेज तमाङ,अजित भण्डारी,रवी पसवान,छिरिङ्ग गुरुङ, अनन्त तमाङ, बिक्रम लामा,दिलेन लोक्तान,अन्जन बिष्ट,पुजन उपरकोटी,बिमल राना,दिप कार्की,एरिक बिष्ट,दर्शन गुरुङ,किरण चेम्जोङ (कप्तान)
