“क्रिष्चियानो इज ब्याक,” लगतार तीन पटक सम्म कोरोना भाईरसको नतिजा पोजेटिभ देखिएका क्रिष्चियानो रोनाल्डोले कोरोना भाइरसलाई पराजित गर्दै मैदान फर्किए पछि आफू स्वस्थ रहेको घोषणा गर्दै भने उनले भने ।
फ्रान्स विरुद्ध नेसन्स लिग खेले पछि कोरोना भाईरस संक्रमण भएको पुष्टि भएका रोनाल्डोले १९ दिन सम्म भाईरसका कारण धेरै खेलहरु गुमाएका थिए ।
रोनाल्डोले च्याम्पियन्स लिग अन्तर्गत बार्सिलोनासँग टुरिनमा भएको खेल गुमाए पनि आईतवार भएको स्पेजिया विरुद्धको खेलमा दुई गोल गर्दै आफ्नो खेलमा फर्किएको देखाएका थिए ।
युभेन्टसले स्पेजियालाई ४-१ ले हराउदा रोनाल्डोले दुई गोल गरेका थिए । खेलको ५६ औँ मिनेटमा मैदान छिरेका रोनाल्डोले ५९ औँ मिनेटमा आफ्नो पहिलो गोल गरेका थिए । उनले दोस्रो गोल भने पेनाल्टी मार्फत ७६ औँ मिनेटमा गरेका थिए ।
सेरी आ ले रोनाल्डोको चौँथो कोरोना परीक्षण नेगेटिभ आए पछि उनलाई शुक्रबारनै खेल्ने अनुमती दिएको थियो । रोनाल्डोले पनि आफ्नु फेरी मैदान फर्किन पाउदा निकै खुशी भएको र युभेन्टसको जितमा आफुले योगदान गर्दै जाने बताए ।
“अहिले मलाई कुनै लक्षणहरु देखिएको छैन र म खेल मैदानमा फेरी उत्रिन पाउदा निकै खुशी छु,” खेल पछि अन्तर्वाता दिदै रोनाल्डोले भने ।
“सेरी आ निकै तगडा लिगको अहिलेको अवस्थामा एसी मिलन र लाजियो र नापोली धेरै राम्रो गरिरहेका छन् । हामी पनि परिश्रम गर्दै अगाडि बढ्नु आवश्यक छ,”
उनले थपे,”क्रिष्चियानो इज ब्याक”