लगतार तीन पटक कोरोना भाईरसको संक्रमण देखिदै १९ दिन मैदान बहिर बसेका क्रिष्चियानो रोनाल्डोले कोरोना भाईरस पछिको आफ्नो पहिलो खेलमै दुई गोल गरेका छन् ।
सेरी आ अन्तर्गत भएको खेलमा स्पेजियालाई युभेन्टसले ४-१ ले हराएको थियो । युभेन्टसका लागि अल्भारो मोरटा र एड्रिअन राबोइटले एक-एक गोल गरेका थिए भने ५६ औँ मिनेटमा मैदान छिरेका रोनाल्डोले दुई गोल गरेका थिए ।
युभेन्टसका लागि खेलको १४ औँ मिनेटमा पहिलो गोल अल्भारो मोराटाले गरेका थिए तर ३२ औँ मिनेटमा भने स्पेजियाले बराबरी गोल फर्काएको थियो । स्पेजियाका लागि टोमासो पोबेगाले गोल गर्दै पहिलो हाफ १-१ को बराबरीमा सकाएको थियो ।
दोस्रो हाफमा भने युभेन्टसले तीन गोल थपेको थियो । ६७ औँ मिनेटमा एड्रिअन राबोइटले गोल गर्दै युभेन्टसलाई अग्रता दिलाएका थिए ।
त्यस पछि रोनाल्डोले ५९ औँ र ७६ औँ मिनेटमा पेनाल्टीमा गोल गर्दै युभेन्टसलाई खेलमा ४-१ को जित दिलाएका थिए ।
जितसँगै युभेन्टस दोस्रो स्थानमा उक्लिएको छ ।
