प्रिमियर लिग अन्तर्गत आज हुने ठुलो खेलमा म्यानचेस्टर युनाइटेडले आर्सनलको सामना गर्दै छ ।
च्याम्पियन्स लिगमा आर बि लाइपजिगलाई ५-० ले हराएको म्यानचेस्टर युनाइटेडले आज ओल्ड ट्राफोर्डमा अर्सनलसँग खेल्न लागेको हो ।
प्रिमियर लिगमा २००६ को सेप्टेम्बरमा भएको खेलमा आर्सनलसँग १-० ले पराजित भए देखी युनाइटेडले घरमा अहिलेसम्म पराजित हुनु परेको छैन । तर युनाइटेडको घरमा भएका पछिल्ला तीन खेल हेर्ने हो भने उसले एक खेलमा पनि जित निकाल्न सकेको छैन ।
आर्सनलका लागि उस्को समस्या भनेको कप्तान पिएरे एम्रिक ओबामेयाङको फम रहेको छ । अन्तिम ६ खेलमा एक गोल मात्र गरेका ओबामेयाङले आर्सनलको नयाँ सम्झौतामा हस्ताक्षर गरे देखी आफ्नो लय समाउन सकेका छैनन् ।
युनाइटेडलाई डिफेन्समा रहेका कप्तान ह्यारी मग्वायरको केही समय समस्या देखिए पनि उनले पछिल्ला दुई खेलमा देखाएको प्रदर्शनले भने युनाइटेडको डिफेन्स पनि बलियो नै देखिन्छ ।
युनाइटेडका लागि मार्कस रासफोर्ड महत्वपूर्ण खेलाडी सावित हुन सक्छन् ।
खेल नेपाली समय अनुसार १०:१५ मा सुरु हुने छ ।
अर्को खेलमा भने एवर्टनले न्युकासल युनाइटेडको सामना गर्ने छ ।
अघिल्लो खेलमा साउथह्याम्प्टनसँग २-० ले पराजित हुँदै आफ्नो अपराजित यात्रामा पूर्णबिराम लगाएको एवर्टनले लागि न्युकासलसँगको यो खेलमा भने तीन महत्वपूर्ण खेलाडी गुमाएको छ ।
स्टार खेलाडी हमेज रोड्रिगेजले अंडकोषमा लागेको चोटका कारण खेल गुमाउने छन् भने कप्तान लुकास डिग्ने र रिचार्लिसनले भने खेलको लागि निलम्बनमा परेका छन् ।
यो खेल नेपाली समय अनुसार ७:४५ मा सुरु हुने छ ।
यस्तै आज साँझको ५:४५ बजेको पहिलो खेलमा एस्टन भिल्लाले साउथह्याम्प्टनको सामना गर्दै छ भने अर्को खेलमा भने टोटनह्यामले ब्राइटनसँग
राती १:०० बजे खेल्दै छ ।