सम्मान,ड्रग्स र विश्वकप देखी मरणसम्म हेर्नुहोस् फुटबल हस्ती डिएगो म्याराडोनाको जीवन तस्बिरमा:
म्याराडोना बच्चै देखि फुटबलका दिवाना थिए । उनले आफ्नो फुटबल करिअर अर्जेन्टिनोस जुनिअरबाट सुरु गरेका थिए । जहाँ उनले १६७ खेल खेल्दै १६६ गोल गरेका थिए ।
डिएगो म्याराडोनाको एउटै सपना थियो र त्यो थियो उनको परिवारलाई एउटा घर किनिदिने । १५ वर्षको हुँदा उनले आफ्नो परिवारलाई झुपदपट्टिबाट फ्ल्याटमा लागे र यो फोटो उनले आफ्नो त्यही फ्ल्याटमा खिचेका थिए ।
उनले न आफ्नो जिन्दगी न अरु युवाहरु जसरि बाच्न पाए न बालपन नै । उनको जिन्दगी भनेकै फुटबल थियो र त्यहि फुटबलले उनलाई नाम पनि दियो र दाम पनि ।
अर्जेन्टिनाको ठुलो क्लब मद्धेको एक बोका जुनिअर्सबाट म्याराडोनाले आफ्नो सबै सपनाको सुरुवात गरे । जहाँ उनले मात्र ४० खेल खेले । किन भने उनको खेल यति प्रभावशाली थियो कि उनलाई बार्सिलोनाले त्यो समयको कीर्तिमानी रकम तिर्न तयार भएको थियो ।
उनले १९९५ को सिजनमा फेरी बोका फर्किनु अघि ४० खेल खेलेका थिए तर पनि यति छोटो समयमै उनी आफ्नो पुरानो क्लबका लेजेण्ड भैसकेका थिए ।
१९८२ देखि १९८४ सम्म बार्सिलोनाका लागि उनले चाहे जस्तो खेल्न सकेनन्। उनी बार्सिलोनामा कहिल्यै पनि खुसी भएनन् ।
तत्कालिन यूएफा कपमा युनाइटेड विरुद्ध खेल्दै म्यारोडोना
इटालीको नेपल्सलाई युरोपकै सबै भन्दा गरिब सहर मानिने गरिन्थ्यो तर पनि यो सहरको एउटा अझै गरिब क्लब नापोलीले विश्वको सबै भन्दा महँगो खेलाडीलाई आफ्नो क्लबमा भित्र्याएको थियो । म्यारोडोनालाई १९८४ मा नापोलीको सान पाउलो रंगशालामा स्वागत गर्दा ८६ हजार समर्थक भेला भएका थिए ।
१९८६ म्यारोडोना अर्जेन्टिनाका महान खेलाडी बनेको वर्ष थियो जब उनले अर्जेन्टिनालाई विश्वकप जिताएका थिए ।
१९८६ मा इंग्ल्यान्डलाई पराजित गर्दा उनले हातले गोल हानेका थिए । इंग्ल्यान्ड विरुद्ध दुई गोल गरेका उनको दुवै गोल उत्कृष्ट थियो तर पनि हातले हानेको यो गोल संसार भर कुख्यात बनेको थियो ।
कुनै पनि देशले अर्जेन्टिना विरुद्ध कुनै खेल खेल्दै थियो भने त्यो अर्जेन्टिना विरुद्ध हैन म्याराडोना विरुद्ध हुने गर्थियो ।
नापोलीमा उनले आठ वर्ष खेले । आठ वर्षको अन्तरालमा उनले नापोलीलाई दुई पटक इटालियन लिग , र एक पटक यूएफा कप जिताएका थिए । इटाली भरि हेपिने सहर नेपल्सलाई उनले सम्मान योग्य बनाए र त्यहि कारण उनी नेपल्समा भगवान सरह पुजिने गर्छन ।
नेपल्समा तपाइँ घुम्नु हुन्छ भने त्यहाँको भित्ताहरुमा म्याराडोनाको म्युरल देख्न सक्नु हुन्छ । कारण हो, म्याराडोनाले नापोलीका लागि गरेको त्याग । ड्रग्सका कारण सिरी आ बाट प्रतिबन्धमा परि नेपल्स छोड्न बाध्य बनाइएका म्याराडोना अहिले पनि नेपल्समा जिजस क्राइस्टसँगै पुजिन्छन् ।
क्युबाका पुर्व प्रधानमन्त्री फिडेल क्यास्ट्रोलाई म्याराडोनाले आफ्नो दोस्रो पिता सरह मान्छन र कारण थियो ड्रग्सले मातिएका उनलाई क्यास्ट्रोले दिएको नया जीवन ।
फिडेल क्यास्ट्रो पनि फुटबलका निकै ठुला फ्यान थिए । म्याराडोनाले उनलाई युरोपमा फुटबल क्लब किन्दिने प्रस्ताव रखे पनि क्यास्ट्रोले अस्वीकार गरेको कथाहरु धेरै सुन्ने पाइन्छ तर यो कुरामा कत्तिको सत्यता छ त्यो म्याराडोनालाई मात्र थाहा होला ।
अर्जेन्टाइन क्रान्तिकारी चे ग्वेभाराका म्याराडोना यती ठुला फ्यान थिए कि उनले आफ्नो पाखुरामा ग्वेभाराको अनुहारको ट्याटु समेत खोपेका थिए ।
२०१० मा दक्षिण अफ्रिका भएको विश्वकपमा उनले अर्जेन्टिनाको प्रशिक्षकको रुपमा पनि काम गरेका थिए । क्वार्टर-फाइनलमा जर्मनीसँग ४-० ले हारे पछि अर्जेन्टिना त्यो विश्वकपबाट बाहिरिएको थियो ।
२०१८ को विश्वकपमा धेरै रमाइला क्षणहरु म्याराडोनाकै थिए होलान् । अर्जेन्टिनाको खेलै पिछे कोकेंनको लतमा रंगशालाको भीआइपी बक्सबाटै मैदान हल्लाउने म्याराडोना सबैका प्रिय पनि बने ।
फुटबलका हस्ती म्याराडोनाको मंगलबार ६० वर्षको उमेरमा हृदयघातका कारण मृत्यु भयो । फुटबलमा उनले दिएको योगदान अतुलनीय छ ।
ओ मिना…
अर्जेन्टिना….
हारेर गयो म्याराडोना…
राष्ट्रपति भवनमा राखिएको
म्याराडोनाको कफिन ।
