बलरहरु हाबी हुँदा इन्डियन प्रिमियर लिग (आईपीएल) को ४३औं खेलमा किंग्स ११ पन्जाबले सनराईजर्स हैदराबादलाई १२७ रनको सामान्य लक्ष्य दिएको छ ।
खेलमा टस हारेर पहिले ब्याटिङ गरेको पन्जाबले पुरै २० ओभर खेल्दै सात विकेटको नोक्सानीमा १२६ रन मात्र बनाउन सक्यो ।
६६ रनको अवस्थामा दोश्रो विकेट गुमाएको पन्जाबले त्यस पछि ६० रन भन्दा जोड्न नसक्दा सानो योगफलमा रोकिन पुग्यो । पन्जाबको तर्फबाट सर्वाधिक रन बनाएका निकोलस पुरणले चौथों नम्बरमा ब्याटिङ गर्न आएका २८ बलमा दुई चौका प्रहार गर्दै अविजित ३२ रन बनाए ।
पन्जाबको लागि ओपनरद्वय कप्तान केएल राहुल र मन्दिप सिंहले क्रमश २७ र १७ रन बनाए भने तेश्रो नम्बरमा ब्याटिङ गर्न आएका क्रिस गेल पनि २० रन मात्र बनाएर आउट भए । ग्लेन म्याक्सवेल पनि १२ रन बनाएर पेभेलियन फर्किए भने त्यस पछिका अन्य ब्याट्सम्यानले दोहोरो अंकमा रन जोड्न सकेनन् ।
पन्जाबलाई सानो योगफलमा समेट्ने क्रममा रशिद खान, जेसन होल्डर र सन्दिप शर्मा समान २-२ विकेट हात पारे । किफायती बलिङ गरेका रशिदले चार ओभरमा मात्र १४ रन खर्चिए ।