शनिबार भएको मर्सीसाइड डर्बीमा एवर्टनका गोलकिपर जोर्डन पिकफोर्डसँग ठोकिए पछि घाइते हुँदै मैदान बहिर निस्किएका नेदर्ल्याण्ड्सका डिफेन्डर भर्जिल भान डाइकलाई घुँडामा गम्भिर चोट लागेको लिभरपुलले बताएको छ । उनको चोट पुष्टि भए सँगै उनी लामो समय मैदान बहिर रहने पनि स्पष्ट भएको छ ।
उनलाई एन्टेरिअर क्रूसिएट लिगामेन्टको चोट लागेको हो । लिभरपुलले चोट गम्भिर भएका कारण उनको चाँडै नै सर्जरी गराइने बताएको छ ।
खेलमा ११ मिनेट पनि मैदानमा बिताउन नपाउदै भान डाइक चोटका कारण बहिर निस्किएका थिए । भान डाइकको अभावका कारण पनि लिभरपुलले उक्त खेल २-२ को बराबरीमा चित्त बुझाउनु परेको थियो ।
भान डाइक लिभरपुलका लागि निकै महत्वपूर्ण खेलाडी हुन् । २०१७ को जनवरी ट्रान्सफरमा साउथह्याम्प्टनबाट ७६ मिलियन पाउन्डमा लिभरपुल आएका उनले प्रिमियर लिग र च्याम्पियन्स लिग जितिसकेका छन् ।
भान डाइकको चोट पछि प्रशिक्षाक योर्गन क्लोपलाई उक्त स्थानमा अन्य भर पर्दो खेलाडी खोज्न गार्हो हुने छ ।
यसै सिजनको खेलमा चेल्सीसँग जोएल माटिपलाई डिफेन्डर खेलाएका क्लोपले माटिपलाई धेरै खेलमा डिफेन्डरको भूमिका दिने निश्चित छ तर क्लोपलाई भान डाइकको स्थानमा स्थायी खेलाडी खोज्न भने समय लाग्ने छ ।
भान डाइकको स्थानमा लिभरपुलका केही युवा खेलाडीहरुले स्थानतरण गर्न सके पनि अनुभव नभएका कारण क्लोपले धेरै खेलाडीलाई मौका दिने देखिन्छ ।
भान डाइकको स्थानमा २३ बर्षिय नाट फिलिप्स र १९ बर्षिय रेहे विलियाम्सले मौका पाउने धेरै संचार मध्यामहरुले बताउदै आएका छन् ।