युइएफए नेसन्स लिग अन्तर्गत बुधबार राती हुने खेलमा पोर्चुगल र स्वीडेन भिड्दै छन् ।
पहिलो संस्करणको विजेता पोर्चुगलले ७ अंकका साथ लिग ए समुह तीनमा शिर्ष स्थानमा रहेको छ भने बराबर अंक भए पनि फ्रान्स गोल अन्तरको आधारमा दोस्रो स्थानमा रहेको छ ।
सन् २०१३ यता भएका चार खेलमा पोर्चुगल तीन वटामा विजयी भएको छ भने स्वीडेनले एक खेल मात्र जितेको छ । यी दुई टोली बिचको अन्तिम खेलमा स्वीडेन पोर्चुगलले २-० ले हराएको थियो ।
समुहको पहिलो चरणको खेलमा पोर्चुगलका लागि रोनाल्डोले दुवै गोल गर्दै एक सय अन्तराष्ट्रिय गोल गर्ने पहिलो युरोपियन खेलाडी बनेका थिए तर रोनाल्डोले यो खेल कोरोना भाईरस संक्रमणका कारण गुमाउने छन् ।
यस्तै समुहको आर्को खेलमा फ्रान्सले क्रोएसियाको सामना गर्नेछ । फ्रान्सका लागि समुहको शिर्ष स्थानमा उक्लिनका लागि यो खेल ठुलो गोलअन्तरले जित्नु पर्ने दवाव हुने छ ।
यस्तै अर्को ठुलो खेलमा इटालीले नेदर्ल्याण्ड्सको समाना गर्दै छ ।
समुहको पहिलो चरणको खेलमा निकोलस बारेलाको गोलले १-० ले बिजयी भएको इटाली लिग ए समुह एकमा शिर्ष स्थानमा रहेको छ ।
गएको खेलमा पोल्याण्डसँग बराबरीमा रोकिएको इटालीले यो खेल जितेको खण्डमा आफ्नो समुहमा स्पष्ट तीन अंकको अग्रता लिने अवसर हुने छ।
यस्तै अन्य खेलमा बेल्जियमले आइसल्यान्डको,सामना गर्दा डेनमार्कले इङ्ल्याडसँग खेल्ने छ ।
सबै खेल नेपाली समय अनुसार राती १२:३० बजे सुरु हुनेछन् ।
