क्ले कोर्ट किँग राफेल नाडालले करिअरको सबैभन्दा सशक्त प्रदर्शन गर्दै १३ औं पटक फ्रेञ्च ओपनको उपाधि जितेका छन् ।
आइतबार भएको फाइनलमा नाडालले बिश्व नम्बर एक नोभाक जोकोभिचलाई निरिह साबित गरे । पहिलो सेटको एक पोइन्ट पनि नगुमाउदै नाडालले ६–० ले आफ्नो पक्षमा पारे । दोश्रो सेट पनि जोकोभिचले ६–२ ले गुमाए भने तेश्रोमा केही चुनौति प्रस्तुत गरेपनि नाडालले ७–५ ले जित्दै करिअरको २० औं ग्राण्ड स्ल्याम उपाधि हात पारे ।
३४ बर्षिय नाडालको स्तरमाथि प्रश्न चिन्ह उठ्दै गर्दा उनले निकै त्रुटिबिहिन प्रदर्शन गरेका थिए । टप सिड जोकोभिचले पहिलो पटक पुरा भएको खेलमा पराजय बेहोरेका हुन् । उनी युएस ओपनको दोश्रो चरणमा लाइन जजलाई बलले प्रहार गरेको आरोपमा अयोग्य ठहरिएका थिए ।
स्विस लेजेण्ड रोजर फेडेरर र नाडालसँग सर्वाधिक ग्राण्ड स्ल्याम जित्ने दौडमा एक पटक फेरि पछि परेका छन् । फेडेरर र नाडालले समान २० ग्राण्ड स्लयाम जितेका छन् भने जोकोभिचको १७ प्रमुख उपाधि रहेको छ ।
