बोरुसिया डर्ट्मन्डले यो ट्रान्सफर विन्डोमा चाहेको रकम तिर्न नसके पछि सम्झौता सुरक्षित गर्न असफल भएको ईंग्लिस क्लब म्यानचेस्टर युनाइटेडका लागि अर्को बर्षा जेडेन सान्चोलाई ल्याउन अझै कठिन हुने भएको छ ।
जर्मन क्लब बायर्न म्युनिख र अर्को ईंग्लिस क्लब लिभरपुलले फर्वार्ड जेडेन सान्चोलाई आफ्नो टोलीमा भित्र्याउन इछुक देखिए पछि युनाइटेडको एक बर्ष देखीको लक्ष्य रहेका सान्चोलाई गुमाउनु पर्ने देखिन्छ ।
२१ वर्षिय विङरलाई यही सिजन ओल्ड ट्राफोर्डमा भित्र्याउने तयारी गरिरहेको बेला युनाइटेडले बोरुसिया डर्ट्मन्डलाई चाहेको जती रकम तिर्न नसक्दा सान्चो जर्मनीमै बस्नु परेको थियो ।
सान्चोले पनि उनी डर्ट्मन्डमै खुशी भएको र यस्तो अवस्थामा क्लब छोड्दै, क्लबसँग नराम्रो सम्बन्ध बनाउन नचाहेको बताएका थिए ।
युनाइटेडले पाएको मौकालाई सदुपयोग गर्न नसके पछि अब भने लिभरपुलले जेडेन सान्चोको रेसमा युनाइटेडलाई पछि पार्ने देखिन्छ ।
लिभरपुलका प्रशिक्षक योर्गन क्लोपले पनि सान्चो देखी निकै प्रभावित भएको बताएका थिए । क्लोपले लिभरपुलले यो विन्डो एक सय मिलियन सान्चोलाई मात्र नतिरे पनि अर्को विन्डो भने यो बारे सोच्ने बताएका थिए ।
धेरै संचार मध्यामहरुले पनि सान्चो इङ्ल्याण्ड नै फर्किन चाहेको बताएका थिए । सान्चोलाई अर्को जर्मन महारथी बायर्न म्युनिखले पनि भित्र्याउन चाहेको थियो ।
सान्चोको लागि मात्र भए पनि आउने ट्रान्सफर विन्डो निकै रोमान्चक हुने देखिन्छ ।
