१३औं संस्करणको इन्डियन प्रिमियर लिग (आईपीएल) को २१औं खेलमा आज महेन्द्र सिंह धोनी कप्तान रहेको चेन्नाई सुपर किंग्सले दिनेश कार्तिकको कप्तानीमा रहेको कोलकाता नाइट राईडर्स भिड्दै छन् । शेख जायद क्रिकेट रंगशालामा हुने खेल नेपाली समय अनुसार साँझ ७:४५ बजे सुरु हुनेछ ।
कोलकाता र चेन्नाई समान ४-४ अंकका साथ अंक तालिकाको चौथों र पाँचौ स्थानमा रहेका छन् । चार खेल खेलेको कोलकाता र पाँच खेल खेलेको चेन्नाईले समान २-२ जित दर्ता गराएका छन् भने कोलकाताले दुईमा र चेन्नाईले तीन खेलमा हारको सामना गरेको छ ।
पहिलो खेलमा मुम्बई इन्डियन्ससँग ४९ रनले पराजित भएको कोलकाताले दोश्रो र तेश्रो खेलमा क्रमश सनराईजर्स हैदराबादलाई ४९ रनले र राजस्थान रोयल्सलाई ३७ रनले पराजित गर्यो । यस अघि भएको दिल्ली क्यापिटल्ससँगको खेलमा कोलकाता १८ रनले पराजित हुन पुग्यो ।
चेन्नाईले १३औं संस्करणको उद्घाटन खेलमा साबिक विजेता मुम्बई इन्डियन्सलाई पाँच विकेटले पराजित गर्दै प्रतियोगितामा उत्कृस्ट सुरुवात गर्यो । तर त्यस पछिका लगातार तेश्रो खेलमा चेन्नाई क्रमश राजस्थान रोयल्ससँग १६ रनले, दिल्ली क्यापिटल्ससँग ४४ रनले र सनराईजर्स हैदराबादसँग सात रनले पराजित हुन पुग्यो । त्यस्तै यस अघिको खेलमा चेन्नाईले किंग्स ११ पन्जाब माथि १० विकेटको सानदार जित हात पार्यो ।
आईपीएलमा कोलकाता र चेन्नाई २० खेलमा एक आपसमा भिडेका छन् जसमध्य चेन्नाईले १३ र कोलकाताले सात खेलमा जित हात पारेका छन् । पछिल्लो पाँच खेलमा एक आपसमा भिड्दा चेन्नाईले तीन तथा कोलकाताले दुई खेल जितेका थिए । अघिल्लो संस्करणका दुई खेलमा चेन्नाईले दुबै खेलमा कोलकातालाई पराजित गरेको थियो ।
