पेरिस सेन्ट जर्माइन (पिएसजी) का फर्वार्ड एन्जल डि मरियालाई फ्रेन्च लिग कमिटीले मार्से विरुद्धको खेलमा झगडामा सामेल हुँदै बिपक्षी खेलाडीको मुखमा थुकेको कारण चार खेलको प्रतिबन्ध लगाउने भएको छ ।
३२ वर्षिय डि मरियालाई मार्से विरुद्धको खेलमा बिपस्खी डिफेन्डर अल्भारो गोन्जालेजको मुखमा थुकेको भिडियो सर्वजनिक भए सँगै लिग कमिटीले अनुसन्धान अघी बढाएको थियो । उक्त खेलमा रेफ्रीले खेल सकिए पछी पाँच रातो कार्ड पनि देखाएका थिए ।
२०२०/२०२१ को सिजन सुरु हुनु भन्दा पहिले कोरोना भाईरस संक्रमित उनले गोन्जालेजको मुखमा थुकेका थिए ।
मार्सेसँग १-० ले पराजित भए पछि सुरु भएको झगडा भिएआरले खेल पछि हेर्दा मरियाले थुकेको देखिएको थियो । नयाँ कोरोना भाईरसका कारण बनेको फुटबल प्रोटोकलमा मैदानमा थुक्न प्रतिबन्ध लगाएको बेला डि मरियाले मुखमा थुकेका थिए ।
पिएसजीका नेमार, लियान्ड्रो परिदेस र लेभिन कुर्जावा र मार्सेका जोर्डन अमावी र डारियो बेनेडेटो सबैलाई रेफ्रीले ९० मिनेट पछिको इन्जुरी टाइममा रातो कार्ड देखाएका थिए ।
नेमारले रातो कार्ड खाँदै बहिर निस्किए पछि भने उनलाई गोन्जालेजले रङ्गभेदी टिपणी गरेको आरोप लगाएका थिए ।
गोन्जालेजले भने आरोप अस्वीकार गर्दै आएका छन् ।
