दक्षिण एसियाली फुटबल महासंघ (साफ) ले २०२० मा हुने सबै साफ युथ च्याम्पियनसिपहरु स्थगित गर्ने निर्णय गरेको छ।
साफले आज भएको बैठकमा दक्षिण एसियाली क्षेत्रको वर्तमान अवस्थाको पुनर्मूल्यांकन गरी र सबै सदस्य संघहरूसँग छलफल गरेपछि युथ र उमेर समुहका प्रतिस्पर्धाहरु रद्द गर्ने निर्णय गरेको हो ।
साफले यो वर्ष हुने भनिएका यु-१६ (महिला र पुरुष) र यु-१८ (महिला) उमेर समुहका प्रतियोगिताहरु स्थगित गर्ने निर्णय गरेको हो ।
“अहिलेको अवस्थालाई मध्यनजर गर्दै सबै प्रतियोगिताहरु स्थगित गरेको छ” साफले भनेको छ ।
साफले युवा प्रतियोगिताहरुको सम्बन्धमा सेप्टेम्बरमा फेरी बैठक बस्दै अर्को निर्णय लिने पनि बताएको छ ।
कोरोना भाईरसका कारण साफले यस अघी २०२० मा हुने भनिएको साफ च्याम्पियनसिप २०२१ का लागि सारेको थियो ।
