अघिल्लो सिजनको युरोपा लिगको सेमिफाइनलमा सहभागी भएको कारण एक चरण पछि मात्रै इंग्लिश प्रिमियर लिगमा आफ्नो पहिलो खेल खेलेको म्यानचेस्टर युनाइटेड क्रिस्टल प्यालेससँग ३-१ ले स्तब्ध भएको छ ।
खेलमा क्रिस्टल प्यालेसका लागि विल्फ्रेड जाहाले दुई र एन्ड्रोस टाउनसेन्डले एक गोल गरेका थिए भने युनाइटेडका लागि आफ्नो डेब्यु खेल खेलेका डोनी भ्यान डे बिकले एक गोल गरे ।
खेलमा पहिलो गोल सातौँ मिनेटमा प्यालेसका लागि टाउनसेन्डले गरेका थिए । पहिलो हाफमा धेरै गोल गर्ने मौका खेर फालेको प्यालेसले हाफ टाइमसम्म १-० को अग्रता लिएको थियो ।
७४ औँ मिनेटमा युनाइटेडका भिक्टर लिन्डलोफले डि बक्स भित्र ह्यान्डबल गरे पछि पाएको पेनाल्टीलाई सदुपयोग गर्दै जाहाले गोल गरेका थिए । ८० औँ मिनेटमा भने युनाइटेडले एक गोल फर्काएको थियो ।
युनाइटेडका लागि डेब्यु खेल खेलेका भान डि बिकले गोल गरेका थिए । भान डि बिकले खेललाई २-१ को स्थितीमा ल्याएको पाँच मिनेट पनि नबित्दै प्यालेसका लागि फेरी जाहाले गोल गर्दै प्यालेसलाइ ३-१ को जित दिलाएका थिए ।
जितसँगै प्यालेसको अंक तालिकामा ६ अंक रहेको छ ।
