स्पेनिस मिड्फिल्डर थियागो अल्कान्टरालाई २० मिलियन युरो मा भित्र्याए पछि लिभरपुलको आँखा भने अब वुल्भ्स फर्वार्ड डिओगो जोटा तर्फ रहेको छ ।
आफ्नो फर्वार्ड रोबर्टो फर्मिनोको ब्याक अपका लागि जोटा भित्र्याउन लागेको लिभरपुलले उनलाई पाँच बर्षको सम्झौतामा हस्ताक्षर गर्ने छ । लिभरपुलले ४५ मिलियन युरो खर्च गर्दै जोटालाई एन्फिल्डमा खेलाउन लागेको हो ।
यस विन्डोको सुरुमा २०१९/२०२० सिजनको बुन्डेसलिगामा आरबी लाइपजिगबाट २८ गोल गरेका फर्वार्ड टिमो वेर्नरलाई ४७ मिलियनमा क्लबमा भित्र्याउन नचाहेको लिभरपुलले यो पटक भने जोटालाई भित्र्याउन चाहेको हो ।
जोटाले वुल्भ्समा १३१ खेल खेल्दै ४४ गोल गरेका छन् ।
२३ वर्षिय जोटाले पोर्टो र एट्लेटिको म्याड्रिडबाट खेलिसकेका छन् । २०१७/२०१८ को सिजनमा लोनमा वुल्भ्स आएका जोटाले २०१८ मा भने वुल्भ्समै बस्ने निर्णय लिएका थिए । उनलाई वुल्भ्सले १२.५ मिलियन युरोमा क्लबमै राखेको थियो ।
केही दिन अघी भएको लिग कपको खेलमा वुल्भ्स प्रशिक्षक नुनो इस्पिरितो सान्तोले उनलाई खेलाएका थिएनन् । पोर्चुगिज फर्वार्डलाई लिभरपुलले केही दिनमै एन्फिल्ड भित्र्याउन लागेको संचार माध्यमहरुले बताएका छन् ।