म्यानचेस्टर सिटीका व्यवस्थापक पेप ग्वार्डियोलाले आफ्ना प्रमुख स्ट्राइकर सर्जियो अगुएरोले प्रिमियर लिगको पहिलो दुई महिना गुमाउने खतरामा रहेको बताएका छन् ।
जुन २२ मा अगुएरोलाई बर्न्लीबिरुद्धको खेलमा घुँडामा चोट लागेको थियो । त्यसयता उनले सिटीको लागि प्रिमियर लिगका १० खेलका साथै अगष्टमा च्याम्पियन्स लिगका दुई खेलहरु पनि गुमाउन पुगेका थिए । ग्वार्डियोलाले ३२ बर्षिय अगुएरो नोभेम्बरसम्म फिट रहनेमा शंका व्यक्त गरेका छन् ।
“उनको चोट ठूलो रहेको हामीलाई थाहा थियो । उनी हामीसँग अहिलेसम्म एक अभ्यास सत्रमा पनि जोडिन सकेका छैनन् र अगुएरो यस्तो खेलाडी हुन् जसलाई ठिक हुन निकै समय लाग्ने गरेको छ । उनी लामो समय मैदान बाहिर रहिसकेका छन् र मलाई लाग्छ अझै तयार हुनका लागि एक देखि दुई महिनासम्म लाग्नेछ,” ग्वार्डियोलाले भने ।
अगुएरोका लागि स्थानान्तरण खेलाडी ग्याब्रिएल जिजसले गत सिजनको अन्त्यमा सिटीका लागि १२ खेलमा पाँच गोल गरेका थिए । सोमबार सिटीले प्रिमियर लिगमा उल्भ्सको सामना गरिरहेको छ र यसका लागि ग्वार्डियोलासँग नयाँ अनुबन्धन फेर्रान टोरेस रहेका छन् ।
तर टोरेस अलि वाइड खेल्ने भएका कारण जिजसको स्थानमा रहिम स्टर्लिङ्ग फिट हुने सम्भावना रहेको छ । स्टर्लिङ्ग ग्वार्डियोलाको फल्स नाइनमा खेल्न सक्नेछन् ।