लिग वानमा मार्से विरुद्धको खेलमा बिपक्षी टोलीका डिफेन्डर अल्भारो गोन्जालेजलाई झापड हन्दै रातो कार्ड खाएका पेरिस सेन्ट जर्माइन(पिएसजी) का फर्वार्ड नेमारलाई फ्रेन्च लिग कमिटीले दुई खेलको प्रतिबन्ध लगाएको छ भने उनले गोन्जालेजलाई लगाएको रङ्गभेदको आरोपको कमिटीले छानबिन गर्ने जनाएको छ ।
नेमारले मार्से विरुद्धको खेलमा गोन्जालेजलाई झापड हन्दै रातो कार्ड खाएका थिए ।
तर पछि उनले सामाजिक संजालमा भने आफुलाई रङ्गभेद भएको भन्दै पोस्ट गरेका थिए । गोन्जालेजले भने यो आरोप अस्वीकार गर्दै आएका ।
नेमार सहित अन्य चार खेलाडीलाई पनि कमिटीले प्रतिबन्ध लगाएको छ । जसमा पिएसजीबाट डिफेन्डर लेविन कुर्जवा ६ खेलका लागि प्रतिबन्धमा परेका छन् भने मिड्फिल्डर लिएनड्रो पारेदेसलाई दुई खेलको प्रतिबन्ध लगाएको छ ।
मार्सेका लागि भने कमिटीले जोर्डन अमीभीलाई तीन खेल र डरियो बेनेडेट्टोलाई एक खेलको लागि बहिर राख्ने निर्णय लिएको छ ।
पिएसजीले आफ्नो खेलाडी नेमारको पूर्ण समर्थन गरेको छ भने मार्सेले पनि बिज्ञप्ति निकल्दै अल्भारो रङ्गभेदी नभएको भन्दै आएको छ ।
पिएसजीका अर्का खेलाडी एन्जल डि मरियालाई भने लिग कमिटीले बैठकमा बोलाँउने निर्णय गरेको छ । उनलाई कोरोना भाईरसका कारण थुक्न मनाही गरिएको नियम तोड्दै उनले गोन्जालेजको मुखमा थुकेको भिडियोमा देखिएको थियो ।
गोन्जालेजलाई नेमारले लगाएको आरोप सत्य भएमा उनी बर्ष भरीका लागि लिग बहिर हुने छन् ।
