दक्षिण अफ्रिकाका पुर्व खेलाडी जोन्टि रोड्स स्विडेन टोलीको मुख्य प्रशिक्षक नियुक्त भएका छन् ।स्विडिस क्रिकेट फेडेरेशनले एक प्रेस विज्ञप्ति जारी गर्दै जोन्टिको नियुक्तको पुष्टी गरेको हो ।
महान् र उत्कृस्ट फिल्डरका रुपमा परिचित जोन्टिले दक्षिण अफ्रिकाको लागि ५२ टेस्ट र २४५ एकदिवसीय खेल खेलेका थिए ।
खेल जीवनबाट सन्यास घोषणा गरे पछि जोन्टि प्रशिक्षकका रुपमा काम सुरु गरेका थिए । दक्षिण अफ्रिका टोलीको साथ साथै उनले इन्डियन प्रिमियर लिग टोली मुम्बई इन्डियन्सको फिल्डिङ प्रशिक्षक भएर पनि काम गरेका थिए । हाल उनी आईपीएल टोली किंग्स ११ पन्जाबमा आबद्ध छन् ।
‘म आफ्नो परिवारसँग स्विडेन सर्न लागेकोमा निकै उत्साहित छु र स्विडिस क्रिकेटसँग काम गर्न आतुर पनि रहेको छु,’ ५१ बर्षिय जोन्टिले भने । ‘सायद यो अवसर एकदमै सहि समयमा आएको छ । म कृतग्य छु कि मैले नयाँ वातावरणमा आफ्नो उर्जा राम्रोसँग सदुपयोग गर्न सकु । आफ्नो काम सुरु गर्नका लागि म कुर्न सक्दिन ।’
फेडेरेशनले देशको युवा क्रिकेट र हाइ पर्फ़मेन्समा लगानी गर्ने भन्दै उनलाई नियुक्ती गरेको जनाएको छ । स्विडेनमा पछिल्लो समय क्रिकेट सबैभन्दा छिटो बढेको दोश्रो खेल हो । पछिल्लो दुई बर्षमा स्विडेनमा क्रिकेटको सहभागितामा ३०० प्रतिशत भन्दा धेरैले बढे पछि फेडेरेशन पनि यसमा लगानी गर्न आतुर रहेको हो ।
जोन्टिलेले नोभेम्बरको मध्यबाट आफ्नो कम सुरु गर्ने छन् ।
जोन्टि पछिल्लो संस्करणको धनगढी प्रिमियर लिगमा सद्भावना दुतको रुपमा आवद्ध भएका थिए भने च्याम्पियन टोली सिवाईसी अत्तरियाको प्रशिकको भुमिका पनि निभाएका थिए ।