युएस ओपनको क्वार्टर फाइनलमा एक सेटले पछि परेको स्थिति उल्टाउदै अमेरिकी सेरेना विलियम्स किर्तिमानी २४ औं ग्राण्ड स्ल्यामको नजिक पुगेकी छिन् ।
न्युयोर्कमा भएको खेलमा विलियम्सले स्भेताना पिरोन्कोभालाई ४–६, ६–३, ६–२ ले पराजित गर्दै सेमिफाइनलमा स्थान बनाइन् । तीन बर्षमा पहिलो प्रतियोगिता खेलिरहेकी पिरोन्कोभाको शटहरुमा बिबिधताबिरुद्ध ३८ बर्षिय विलियम्स शुरुवातमा निकै संघर्षरत थिइन् । बुल्डेरियन पिरोन्कोभाले पाचौं खेलमा ब्रेक गर्दै पहिलो सेट आफ्नो नाममा गरिन् ।
थकित देखिएकी पिरोनान्कोभाले दोश्रो र तेश्रो सेटमा भने समान प्रदर्शन गर्न असफल रहिन् । भेटेरान विलियम्सले अब सेमिफाइनलमा पुर्व बिश्व नम्बर एक भिक्टोरिया आजारेन्काबिरुद्ध खेल्नेछिन् ।
पुरुषतर्फ क्वार्टरफाइनलमा भने रुसका दानिल मेदभेदेभले आफ्नै देशका आन्द्रे रुब्लेभलाई साझो सेटमा पराजित गरे । मेदभेदेभले ७–६ (८–६), ६–३, ७–६ (७–५) को जित हात पारे । २०१९ को युएस ओपन फाइनलमा राफेल नाडालसँग पराजित भएका मेदभेदेभले खेलको पुरै समय नियन्त्रणमा लिएका थिए ।
न्युयोर्कमा हालसम्म एक सेट पनि नहारेका मेदभेदेभले सेमिफाइनलमा पहिलो पटक ग्राण्ड स्ल्याम नजितेका प्रतिद्वन्दीको सामना गर्नेछन् । रोजर फेडेरर र नाडालले प्रतिस्पर्धान नगर्नुका साथै बिश्व नम्बर एक नोभाक जोकोभिच अयोग्य ठहरिदा युएस ओपनको सेमिफाइनलमा ग्राण्ड स्ल्याम नजितेका खेलाडी हुनेछन् ।
मारिन सिलिचले २०१४ मा युएस ओपन जितेयता न्युयोर्कका सेमिफाइनलिस्टहरुले पहिलो पटक ग्राण्ड स्ल्याम उपाधि जित्नेछन् । पछिल्लो ६ बर्षयता सबै ग्राण्ड स्लयामा जाकोभिच, फेडेरर र नाडालकै दबदबा रहदै आएको थियो ।
