एडुवार्डो कामाभिङ्गा ९६ बर्षमा फ्रान्सको लागि खेल्ने सबैभन्दा कान्छो खेलाडी बन्ने किर्तिमान कायम गरेको दिन बिश्वकप बिजेताले क्रोएसियालाई बिश्वकप फाइनलको नतिजा दोहोर्याउदै युएफा नेसन्स लिगमा ४–२ को जित निकालेको छ ।
स्टाड डे फ्रान्समा प्रशिक्षक डिडिएर डेसच्याम्प्सले यसअघि स्विडेनको खेलबाट सात परिवर्तन गरेपनि फ्रान्सले सहज जित हात पारेको हो । किलियन एमबाप्पे कोरोना भाइरसका कारण घर फर्कदा विसाम बेन येडेर र एन्थोनी मार्सियलले फ्रान्सको आक्रमण सम्हालेका थिए ।
फ्रान्सको जितमा एन्टोइन ग्रिजमन, डायो उपमेकानो र ओलिभर जिरुडले १–१ गोल गरे भने अर्को गोल आत्मघाती रहेको थियो । गोलकिपर डोमिनिक लिभाकोभिचले बललाई आफ्नै पोस्टको दिशा दिदा रुसमा दुई बर्ष अघि आएको परिणाम दोहोरिएको थियो ।
खेलमा डेजान लोभ्रेनले भने क्रोएसियाको लागि पहिलो गोल गरेका थिए । योसिप ब्रेकालोले क्रोएसियाको लागि दोश्रो गोल गरेका थिए ।
२७ औं मिनेटमा कामाभिङ्गा मैदान प्रवेश गर्दै इतिहास कायम गरेका थिए । फ्रान्सका लागि उनीभन्दा कम उमेरमा डेब्यु गर्ने अन्य दुई खेलाडी रहेका छन् । १९०६ मा युलियन भरब्रगले डेब्यु गर्दा उनी १६ बर्ष १० महिनाका थिए भने त्यसको ८ बर्षपछि मौरिस गास्टिगरले खेल्दा १७ बर्ष चार महिनाका थिए ।
१७ बर्ष ९ महिनाका काभामिङ्गा एनगोलो कान्टेको स्थानमा मैदानमा प्रवेश गरेका थिए । फ्रान्स समुह ए को अंक तालिकामा पोर्चुगलसँग गोल अन्तरले पछि परेको छ । क्रोएसियालाई ४–१ ले हराएको पोर्चुगलले मङ्गलवारको खेलमा स्विडेनलाई २–० ले पराजित गर्यो ।