कोरोना भाइरसको केन्द्रबिन्दु रहेको वुहानको चाइनिज सुपर लिग क्लब वुहान जालका प्रशंसकहरू महामारीयता आफ्नो टोलीको पहिलो खेलका लागि आईतबार रङ्गशालामा उपस्थित भए । आफ्नो टोलीले दुई गोलले पछि परेको स्थिति उल्टाउदै बराबरी गरेपछि आँसु थाम्न सकेनन् ।
कारीब ३०० वुहान जाल समर्थकले ७५० किलोमिटर यात्रा गर्दै आफ्नो टोलीको खेल हेर्न अर्को शहर सुझाउ पुगेका थिए । उपाधि दावेदार बेजिङ गुवान विरुद्ध अन्तिम तीन मिनेटमा दुई गोल गर्दै टोलीले समर्थकलाई निराश हुन दिएको थिएन ।
चाइनिज सुपर लिगले बिस्तारै सिमित संख्यामा दर्शकहरूको लागि रङ्गशाला खुल्ला गर्दै आएको छ । जुलाईमा बन्द रङ्गशालामा नयाँ सिजन सुरु गरे पनि अहिले भने धेरै क्लबले दर्शकलाई अनुमती दिने गरेका छन् । तर दर्शकले खेल हेर्नु भन्दा सात दिन अगाडि कोरोना टेस्ट पास गर्नु पर्ने नियम बनाईएको छ ।
चिनमा कोरोना भाईरसले सबै भन्दा क्षती पुगेको वुहानमा समर्थकहरुले रङ्गशाला बहिर कोरोना भाइरसविरुद्ध लड्न सहयोग गरेकोमा सबै सरकारलाई धन्यवाद लेख्दै ब्यानर पनि टासेका थिए ।
वुहान जालका समर्थकहरु निकै जोशमा देखिन्थे । रङ्गशाला भित्र प्रवेश गरे देखि उनीहरुले कराउन छोडेका थिएनन् । मध्यान्तरमा २-० ले पछाडि रहदा पनि वुहान जालका समर्थकहरुले क्लबको गीत गाउन र कराउन छोडेका थिएनन् । ब्राजिलियन लियो बाप्टिस्टाओ र आइभोरी कोस्टका जन इभार्ड कौसीले जाललाई खेलमा फर्काए पछि त अझै उनीहरुको आँसु थामिएको थिएन ।
“हामीसँग इमान्दार हृदय छ, आधि र छालहरूमा हामी सधैं एक रहन्छौं,” वुहान जालका समर्थकहरुको यो गीतले रङ्गशाला गुन्जायमान भएको थियो । महामारी रोकथामका उपायहरू अप्नाउदै एक मिटर (तीन फिट) को दुरी कायम गर्दै समर्थकहरुलाई राखिएको थियो ।
तर खेलको अन्तिममा जब टोलीले गोल गर्दै खेल बराबरीमा ल्याएको थियो, वुहानका समर्थकहरुले सामाजिक दुरी बिर्सदै एक अर्कालाई अङालो हल्दै, ड्रमको आवाजका साथ काँधमा काँध मिलाएर रुदै “वुहान ! वुहान !” चिच्याउदै कराएका थिए ।
खेल सकिए पछि सम्पूर्ण टिम र कोचिंग स्टाफ स्टेडियमको समर्थक भएको कुनामा पुग्दै ताली बजाउदै धन्यवाद दिएका थिए ।
“जब दुई विदेशी खेलाडीले गोल गरे र हामीले खेल बराबरी गर्यौँ, हामीले हाम्रो आसुँ थाम्न सकेनौँ,” गत वर्षको कोरोना भाइरस यता पहिलो पटक वुहानलाई छाडेका गाओ यजुनले भने ।
एकदमै उत्साहित वुहान जाल समर्थक उनको नङ पनि सुन्तला र सेतो रङले पोतिएको थियो भने मास्क र टाउको देखी खुट्टा सम्म क्लबको जर्सी लगाएका थिए । उनले आफ्नो टोलीको खेल हेर्न पाउने व्यग्रताका कारण निन्द्रा नलागेको पनि बताएकी थिइन् ।
“हामी आज निकै खुसी छौं, मलाई लाग्छ आज रात हामी फेरि सुत्न सक्दैनौं,” उनले भनिन् ।
कोरोना भाईरसका कारण पाँच महिना धकालिएको चाइनीज सुपर लिगको सबै खेल यस पटक दुई शहर सुझाउ र डालियानमा खेलाइने छ ।