ग्रिसको पर्यटकीय द्विपमा मारपिट गरेको आरोपमा पक्राउ परेका इङ्गल्याण्ड डिफेण्डर तथा म्यानचेस्टर युनाइटेडका कप्तान ह्यारी मग्वायर आउने सिजन पनि क्लबको कप्तान रहने भएका छन् ।
मग्वायरलाई केही दिन अघि मात्रै प्रहरीमाथी दुर्व्यवहार, घुस दिन खोजेको र हुलदङ्गा गरेको आरोपमा माइकोनोस द्विप प्रहरी पक्राउ गरेको थियो । पक्राउ परेपछि उनलाई २१ महिना १० दिनको जेल सजाय सुनाइएको थियो ।
२७ बर्षिय मग्वायरको टोलीले उक्त निर्णयबिरुद्ध अर्को अपिल गरेपछि अब उनको स्थानीय भन्दा माथिल्लो तहको अदालतमा अर्को सुनुवाई हुने भएको छ । ग्रिसको कानुन अनुसार नयाँ अपिलपछि यसअघि सुनुवाई स्वत रद्द भइसकेको छ ।
एस्ली कोल इन्टर मिलान गए पछि जनवरीमा उनलाई युनाइटेडले कप्तानीको जिम्मा दिएको थियो । मंगलवार नेसन्स लिगका लागि इङ्गल्यान्ड टोलीमा उनको नाम रहेको थियो । तर केहि घण्टा पछि ग्रिसमा उनी दोषी करार भए पछि टिमबाट हटाइएको थियो ।
उनी सहित प्रहरीले उनका भाई जो मग्वायर र साथी क्रिस्टोफर शर्मनलाई पक्राउ गरेको थियो । यि दुईलाई पनि अदालतले १३ महिने जेल सजाय तोकेको छ ।
