बाबर अजामले अर्धशतक प्रहार गरेसँगै खराब सुरुवात गरेको पाकिस्तान घरेलु टोली इङ्ग्ल्यान्ड विरुद्ध वर्षाले प्रभावित पहिलो टेस्टको पहिलो दिन सम्हालिएको छ ।
लगातारको वर्षा र पछि खराब प्रकाशका कारण खेल रोकिनु अघि खेलमा टस जितेर पहिले ब्याटिङ गरेको पाकिस्तानले दिनको खेलको समाप्ति सम्ममा ४९ ओभर खेल्दै दुई विकेटको नोक्सानीमा एक सय ३९ रन बनाएको छ ।
२७ बलमा १६ रन बनाएका ओपनर अबिद अली तथा खाता पनि खोल्न नसकी आउट भएका कप्तान अजर अली पेभेलियन फर्किय पछि दबाबमा आएको पाकिस्तानको पारी ओपनर शान मसूद र चौथो नम्बरमा ब्याटिङ गर्न आएका बाबर अजामले सम्हालेका थिए ।
तेश्रो विकेटका लागि अजाम र मसूदले अविजित ९६ रन जोडेका छन् । एक सय बलको सामना गरेका अजाम ६९ तथा एक सय ५२ बल खेलेका मसूद ४६ रनमा अविजित छन् ।
इङ्ग्ल्यान्डका जोफ्रा आर्चर र क्रिस वक्सले समान १-१ विकेट हात पारेका छन् ।