कतारले २०१९ को एसियन कपमा दुई अयोग्य फुटबलरलाई खेलाएको आरोपमा युएईले लगाएको मुद्दा खेलकुदको उच्च अदालत कोर्ट अफ आर्बिट्रेसन अफ स्पोर्ट्स (सिएएस) खारेज गरिदिएको छ ।
कतारले फेब्रुवरीमा भएको फाइनलमा जापानलाई ३–१ ले पराजित गर्दै इतिहासमै पहिलो पटक एसियन कप जितेको थियो । २०२२ को बिश्वकप आयोजनाका लागि पुर्वधारको हिसाबमा कतार तयार हुन सकेपनि खेल्नका लागि भने तयार नरहेको आरोप लागिरहदा उसले एसियन कपको उपाधि बिदेशी भुमिमै जितेर देखाएको थियो ।
फाइनल प्रवेश गर्ने क्रममा कतारले सेमिफाइनलमा आयोजक युएईलाई हराएको थियो । युएईले सेमिफाइनलपछि स्टार फर्वार्ड अल्मोइज अलि र डिफेन्डर बसम अल–रवि कतारका लागि खेल्न अयोग्य रहेको भन्दै मुद्दा दायर गरेको थियो । युएईले दुवै खेलाडीको आमाहरु कतारमा नजन्मिएको कारण उनीहरु उक्त देशबाट खेल्न अयोग्य रहेको बताउदै आएको थियो ।
तर एसियाली फुटबल महासघ र त्यसको अपिल कमिटीले युएईको आरोपमा असहमति जनाएको थियो । मुद्दालाई युएईलाई सिएएसमै लगेपनि पछि अल–रविबिरुद्धको मुद्दा भने फिर्ता लिएको थियो । अल–रवि सेमिफाइनलमा दोहोरो पहेलो कार्डका कारण निलम्बनमा परेकोले खेलेका थिएनन् ।
सिएएसले मार्चमा भएको पछिल्लो सुनुवाईपछि सोमबार उक्त अपिलबिरुद्ध निर्णय गरेको थियो । सिएसले कतारमै जन्मिएकी आमासँग कतार र सुडानको दोहोरो नागरिकता रहेको र अलि कतारी नागरिककै रुपमा कतारबाट खेल्न योग्य रहेकोमा आफू पूर्ण रुपमा सन्तुष्ट रहेको निर्णय सुनाएको थियो ।
