पेरिस सेन्ट जर्माइन (पिएसजी) फर्वार्ड किलियन एमबाम्पेलाई फ्रेञ्च कप फाइनल अन्तर्गत शुक्रबार भएको फाइनलमा गोलीगाँठोमा चोट लागेको थाहा हुन आएको छ ।
लिग वानको उपाधि पनि जितेको पिएसजीले २१ बर्षिय पिएसजीको चोटलाई डक्टरहरुले अबको तीन दिनमा फेरि मुल्यांकन गर्ने बताएको छ । सेन्ट एटिने डिफेन्डर लोइच पेरिनले घातक फउल गरेपछि एमबाप्पे फ्रेञ्च कपको फाइनलमा आशु झार्दै मैदान छोड्न बाध्य भएका थिए ।
पिएसजीले १–० ले उपाधि जितेपछि उनले बैशाखी टेकेरै टिमसँग खुशीयाली मनाएका थिए । पिएसजीलाई अझै पनि एमबाप्पेलाई च्याम्पियन्स लिगको महत्वपूर्ण क्वार्टरफाइनलका लागि गुमाउने डर रहेको छ ।
पिएसजीले अगष्ट १२ मा हुने क्वार्टर फाइनलमा इटालियन टोली एट्लान्टाको सामना गर्नेछ । शुक्रबारको खेलमा पिएसजीका लागि एक मात्र गोल नेमारले गरेका थिए । फाइनलमा फ्रेञ्च फुटबलले सिमित संख्यामा दर्शकलाई प्रवेश गर्न अनुमति दिएको थियो ।
