स्पेनिस ला लिगा लकडाउनपछि सुचारु हुँदा रियल म्याड्रिडले हात पारेको लगातार १० मध्येको अन्तिम जितमा भिलारियाललाई २–१ ले हराउदै फेरि एक पटक स्पेनको च्याम्पियन बन्न सफल भयो । प्रशिक्षक जिनेदिन जिदानले तीन बर्षमा पहिलो ला लिगाको उपाधिले उनलाई च्याम्पियन्स लिग जितेभन्दा बढी खुशी दिएको बताएका छन् ।
बार्सिलोना बिहिबारकै खेलमा ओसासुनासँग स्तब्ध भएपछि रियलले एक खेल बाकी नै रहेको अवस्थामा उपाधि आफ्नो नाम लेखायो । “यो (उपाधि जित) अन्य कुनै पनि कुरा भन्दा राम्रो छ । ला लिगा जित्नका लागि धेरै मिहिनेत लाग्छ । ३८ खेलपछि तपाईसँग अन्य कुनै टिमको तुलानामा सबैभन्दा बढी अंक हुनेछ,” जिदानले भने ।
“व्यवसायिकताको हिसाबले आजको दिन मेरो लागि सबैभन्दा उत्कृष्ट मध्येको एक हो । हामीले जे प्राप्त गर्यौ त्यो निकै राम्रो छ,” जिदानले थपे ।
पछिल्लो समय च्याम्पियन्स लिगको तुलनामा रियलले निकै कम ला लिगा जितेको छ । उसले ९ सिजनमा तेश्रो घरेलु लिगको उपाधि जितेको हो । जिदानको पहिलो कार्यकालमा जिदानले लगातार तीन पटक च्याम्पियन्स लिगको उपाधि जितेको थियो तर ला लिगामा भने किर्तिमानी तेश्रो बन्दै आएको थियो ।
