म्यानचेस्टर सिटीको यरोपमा खेल्ने दुई बर्षको प्रतिबन्ध उल्टिएपछि टोटेन्ह्याम हटस्परका व्यवस्थापक होजे माउरिन्होले युरोपियन फुटबल युनियन (युएफा) को फाइनान्सियल फेयर प्ले (एफएफपी) नियममा भइरहेको सर्कस अन्त्य हुनुपर्ने टिप्पणी गरेका छन् ।
युएफाको फाइनान्सियल फेयर प्ले नियम मिचेको आरोपमा सिटीलाई युरोपियन फुटबलको सर्वोच्च निकायले युरोपमा खेल्न (च्याम्यिन्स लिग अथवा युरोपा लिग) दुई बर्षको प्रतिबन्ध लगाएको थियो । तर सोमबार कोर्ट अफ आर्बिट्रेसन अफ स्पोर्टस (सिएएस) ले सिटीले त्यस निर्णयबिरुद्ध गरेको अपिलको पक्षमा निर्णय गर्दै प्रतिबन्ध खारेज गरिदिएको थियो ।
सिटीले सामुहिक लगानी कोषलाई प्रायोजकले गरेको योगदानको रुपमा हिसाब देखाएको आरोप लागेको थियो । “मलाई स्थिता र स्पष्टता मनपर्छ, शंका होइन । त्यही एउटा कुराले मेरो दिमाग खलबलाउछ । भार (भिडिायो असिस्टेन्ट रेफ्री) जस्तै एफएफपीलाई लिएर मेरो धारणा कहिल्यै परिवर्तन हुदैन,” माउरिन्होले भने ।
लगातार एफएफपी नियम मिचेको आरोप लाग्दै आएको सिटी पैसाको दममा बचिरहेको आरोप लाग्दै आएको छ । कतिले युएफाको सिटी जस्तो क्लबसामु केही नचल्ने पनि बताउदै आएका छन् । सिटी व्यवस्थापक पेप ग्वार्डियोला पहिलो देखि सिटीको नयाँ प्रतिबन्ध हट्नेमा बिश्वस्त रहदै आएका थिए ।
“केही बर्ष अघि मैले (भारकोे) अवधारण मन पर्यो भन्दा मलाई साच्चिकै मन परेको थियो । मलाई यसको व्याख्या मन नपरेको हो, उपकरण नियन्त्रण्मा लिएर निर्णयमा प्रभाव जमाउन सक्नेहरु मन नपरेको हो । एफएफपी पनि त्यही नै हो । मलाई यसको आधारभुत सिद्धान्त नै मन परेको छैन । यहा सर्कस भइरहेको छ र मलाई त्यो मन परिरहेको छैन,” मिडियमा सधै बोल्ड रुपमा प्रस्तुत हुने माउरिन्होले भने ।
सिएएसको निर्णयले सिटी अर्को बर्षदेखि युरोपमा खेल्न पाउने भएको त छ नै, सँग–सँगै यो सिजन पनि पेप ग्वार्डियोलाको क्लब प्रतिबन्धमा परेर पाचौं स्थान सम्म ओगटेर च्याम्पियन्स लिग खेल्ने आशामा रहेका अन्य क्लबहरुलाई पनि नराम्रो झड्का लाग्न पुगेको छ ।
जारी सिजनमा सिटीको दोश्रो स्थान पक्का रहेको छ भने चेल्सी तेश्रो, लेस्टर सिटी चौथो र म्यानचेस्टर युनाइटेड पाचौं स्थानमा रहेका छन् । यो सिजन तीन खेल खेल्न बाकी रहेको अवस्थामा माउरिन्होको टोली भने पाचौं स्थानबाट समेत ७ अंक पर रहेको छ ।
