क्रिष्टल प्यालेसका विङर विलफ्राइड जाहालाई सामाजिक सञ्जालमा रङभेदी सन्देश पठाएको आरोपमा बेलायत प्रहरीले अनुसन्धान गर्दै एक १२ बर्षे बालकलाई पक्राउ गरेको छ ।
जाहाले क्रिष्टल प्यालेस एस्टन भिलासँग खेल्नु अघि उनलाई समाजिक सञ्जालमा थुप्रै रङभेदी सन्देशहरु आएको पनि बताएका छन्। क्रिष्टल प्यालेसका व्यवस्थापक रोय हड्सनले पनि रङभेदको बिषयमा बोल्दै रङ्भेद गर्नेहरुलाई डरपोक र घृणितको संज्ञा दिएका छन् ।
इङ्गलिस प्रिमियर लिगले पनि विज्ञप्ति निकाल्दै २७ बर्षिय आइभोरी कोस्टका विङरलाई भएको रङ्भेद पूर्ण अस्वीकार्य भएको जनाएको छ । वेस्ट मिडल्याण्ड्स पुलिसले जाहाको बारे ट्विट गर्दै उनलाई रङ्भेद गर्ने व्यक्तिलाई खोजी गर्दै गरेको बताएको थियो । र केही घण्टा पनि नबित्दै मिडल्यान्ड्स पुलिसले पक्राउ गरिसकेको थियो ।
“हामीलाई एक फुटबलरलाई श्रृंखलावद्ध रुपमा पठाइएको रङभेदी सन्देशहरुको बारे जानकारी गराइएको थियो र अनुसन्धान गर्दै जादा हामीले १२ बर्षिय बलाकलाई पक्राउ गरेका छौं,” मिड्ल्याण्ड्स पुलिसले ट्विट गर्दै खुलाएको छ । “जसले यो मुद्दा उठाउनु भयो हामी सबैलाई धन्यवाद भन्न चाहन्छौं । रङ्गभेद सह्य हुने छैन ।”
हड्सनले यसमा शन्य सहिष्णुता अपनाइने बताएका छन् । “ब्ल्याक लाइभ्स म्याटरको आन्दोलन चर्किरहेको समयमा कुनै मनिसले गरेको यो व्यवहार असहनीय छ । यो धेरै दुःखको कुरा हो कि खेलको दिनमा एक खेलाडीले यस्तो घृणित व्यवहार भोगेका छन् । जाहाले यसको बारेमा सचेत गराएको छ र मलाई लाग्दैन यसको बारे तपाई चुप लाग्नु पर्छ,” हड्सनले भने ।
प्रिमियर लिगका अधिकांश क्लबहरुले ‘ब्ल्याक लाइभ्स म्याटर’ आन्दोलनको साथ दिदै खेलअघि घुंडा टेक्दै यसका समर्थनमा ऐक्यबद्दता जनाउन अनुमति दिदै आएको छ र क्लबहरुले यस अनुरुप गरेका पनि छन् ।
