अखिल नेपाल फुटबल संघ (एन्फा) ले नेपाली सेनाको भद्रकालीस्थित फुटबल मैदानमा आवश्यक रहेको भौतिक पुर्वाधार निर्माण सम्पन्न भएपछि शुक्रबार हस्तान्तरण गरेको छ ।
नेपालमा हुने कुनै पनि अन्तर्राष्ट्रिय प्रतियोगिताका लागि सेनाको मैदान प्रयोग गर्नका लागि एन्फा र सेनाले सहकार्य गर्दै आएको हो । एन्फाले भिभिआईपी प्याराफिट मुनि दुई वटा चेन्जिङ्ग रुम, खेलाडीहरुको व्यक्तिगत लकर, रेफ्रिका लागि चेन्जिङ्ग रुम र लकर रुपमा निर्माण गरेको थियो । यो बाहेक एन्फाले अन्य आवश्यक पुर्वधार पनि तयार गरेको नेपाली सेनाले जनाएको छ ।
यस क्रममा झण्डै १५ लाख रुपैया खर्च भएको छ । शुक्रर आर्मी मुख्यालयमा भएको एक कार्यक्रमकाबीच एन्फा अध्यक्ष कर्मा छिरिङ शेर्पाले प्रधान सेनापती पूर्णचन्द्र थापालाई पुर्वाधार हस्तान्तरण गरेका थिए ।
एन्फाले मैदान तथा तयार भएका पुर्वधार नेपालले असोजमा आयोजना गर्न गइरहेको बिश्वकप र एसिया कपको संयुक्त छनोट खेलहरुका लागि प्रयोग गर्नेछ । नेपालले घरेलु मैदानमा अष्ट्रेलिया, चाइनिज ताइपेइ र जोर्डनबिरुद्ध दशरथ रँगशालामा खेलहरु खेल्न बाकी रहेको छ ।
कोरोना भाइरसका कारण स्थगित भएका ती खेलहरुका लागि एसियाली फुटबल महासंघले एक महिना अघि असोजका लागि नयाँ प्रस्तावित मिति तय गरेको थियो ।
