कोरोनाका कारण शुरु हुन नसकेको इण्डियन प्रिमिएर लिग (आईपीएल) को सन् २०२० को संस्करण रद्द भएको खण्डमा भारतीय क्रिकेट बोर्ड चरम आर्थिक संकट जाने भएको छ ।
मार्चको २९ तारिखबाट शुरु हुने भनिएको आईपीएल कोरोना र त्यसका कारण भारत भर गरिएको लकडाउनका कारण कहिले हुने भन्ने पनि निश्चित हुन सकेको छैन । त्यस्तै कोरोनाको प्रभाब कहिले सम्म रहने भन्ने टुंगो लाग्न नसक्दा यसको मिति पनि तोक्न बिसिसिआईले सकिरहेको छैन ।
अक्टोबर नोभेम्बरमा अस्ट्रेलियामा आयोजना हुने ट्वान्टी ट्वान्टी विश्वकपका कारण पनि यस बर्षको सिजन रद्द हुन सक्ने सम्म बताइएको छ । यदि १३औं संस्करणको आईपीएल रद्द भएको खण्डमा बोर्डलाई चार हजार करोड घाटा लाग्ने आँकल गरेको बिसिसिआईका कोषाध्यक्ष अरुण धुमलले जानकारी दिए ।
धुमलले कोरोनाको प्रकोप कम भएर चांडो भन्दा चांडो अन्तरास्ट्रिय क्रिकेट फर्किनेमा आशावादी रहेता पनि आफुहरु सरकारको नियम कुर्न तयार रहेको पनि बताए । उनले भने ‘हामीलाई अब क्रिकेट कहिले फर्कन सक्छ भन्ने केहि थाहा छैन । त्यस्तैले यो बर्ष आईपीएल हुन्छ वा हुँदैन केहि भन्न सकिने अवस्था छैन । त्यस्तै यो बर्ष नहुन पनि सक्छ ।’
कोरोनाका नै कारण दक्षिण अफ्रिका बिरुद्धको घरेलु मैदानमा शुरु भएको एकदिवसीय शृंखला पनि बीचमा नै रद्द भैसकेको छ । सन् २००८ देखि शुरु भएको आईपीएलबाट बिसिसिआईलाई मात्र नभएर भारतीय अर्थतन्त्रमा पनि प्रत्येक बर्ष ११ बिलियन डलरको उत्पन्न गर्ने गर्दथियो ।
डफ र फेल्प्स आर्थिक परामर्शदाताले गरेको एक अध्यन अनुसार आईपीएलको गत बर्षको ब्रान्ड भ्यालु छ दशमलब सात बिलियन डलर रहेको जनाएको थियो ।
