भारतीय क्रिकेट टोलीका कप्तान बिराट कोहलीले कोरोना भाइरसका कारण करिब दुई महिना क्रिकेटबाट टाढा रहे पनि अब कोरोना पछि क्रिकेटमा फर्कदा पुरानै लयमा फर्कन सक्ने धारणा राखेका छन् ।
कोहलीले अहिले आफु शारिरिक रुपमा फिट र तयार रहेको र क्रिकेट फर्किए पछि मानसिक रुपमा तयार हुन पर्ने पनि जनाए ।
‘मैंले मेरो घरमा जीम राखेको छु र त्यसमा आफुलाई व्यायाम गर्दा आवस्यक पर्ने सबै सामग्री छ । शारिरिक रुपमा क्रिकेटमा फर्किन मलाई खासै फरक पर्दैन । म यस्तो खेलाडी हुँ जो लामो समय नेटमा समय बिताउनु भन्दा पनि मानसिक रुपमा ससक्त हुन रुचाउँछु ।’
‘मलाई थाहा छ, जुन दिन म मानसिक रुपमा ससक्त छु, सकारात्मक र खुशी बन्न सक्छु र जहिले खेल शुरु हुन्छ मैंले जुन ठाउँबाट क्रिकेट छाडेको थिएँ त्यहीँबाट शुरु गर्न सक्छु ।’
कोरोनाका कारण भारतमा लागेको लकडाउन मे १७ मा सकिन्छ । करिब दुई महिना भन्दा लामो समय लकडाउनका कारण खेलाडीहरु घर भित्र नै बस्न बाध्य छन् । त्यस्तै भारतमा दुई हजार भन्दा बढीले ज्यान गुमाएका छन् भने करिब ६० हजार यो रोगबाट संक्रमित भएका छन् ।
