जर्मनी राष्ट्रिय फुटबल टिमका गोलकिपर मानुएल नोयरका मृत घोषित पुराना साथी हियनिक काम्बालाई चार बर्ष पछि जिउदै भेटिएका छन् ।
बुन्डेसलिगा क्लब साल्केबाट पनि खेलेका काम्बालाई चार बर्ष अगाडी एक कार दुर्घट्नामा मृत घोषित गरिएको थियो । २०१६ मा उनी मृत घोषित हुदा हुल्सका लागि खेल्दै थिए । उनकी पत्नीलाई यो नाटकीय घट्नाक्रममा उनको मृत्यु रच्दै बिमा र सम्पत्ति आफुले राख्न चाहेको आरोप पनि लागेको छ ।
जर्मन पुलिसले काम्बालाई जोलसनकर्चेन शहरमा भेट्टाएको जनाएको छ । काम्बाले अब आफै साक्षी बस्दै मुद्दा लड्ने पनि जनाएका छन । काम्बाको अनुसार उनकी श्रीमतीले उनलाई कँगो गएको दिन बिच बाटोमा एक्लै छोडेर मोबाइल, राहदानी र पैसा सबै लिएर घना जङ्गलमा छोडेको बताएका छन् ।
काम्बाले २०१८ मा जर्मनी फर्किने प्रस्ताव राखेका थिए । धेरै कुराहरु पहिचान गरेपछि मात्र उनलाई जर्मनीले भिसा दिएको थियो । उनी २०१९ देखी एक केमिकल कम्पनीमा काम गर्दै आएका छन ।
सन् १९८६ मा शरणार्थीका रुपमा जर्मनी पसेका उनको परिवारलाई जर्मन सरकारले २००५ मा कँगो फिर्ता पठाएको थियो । तर उनी साल्केको तत्लाकिन युवा टोलीमा भएका कारण उनको भविष्यलाई मध्येनजर गर्दै क्लबले राखेको थियो ।
