फिफाका चिकित्सा बिभागका प्रमुखले कोरोना भाइरसका कारण राकिएका २०१९–२० को सिजन सुचारु गर्ने बिरुद्ध चेतावनी दिदै फुटबल संघहरुलाई नयाँ सिजनको लागि तयारी गर्न आग्रह गरेका छन् ।
मिचेल डि हुगले एक डक्टरको रुपमा कोरोना भाइरसको महामारी जारी रहेको समयमा रोकिएका लिगहरु सुचारु गर्न आफू सशंकित रहेको बताएका हुन् । यरोपमा मार्चको दोश्रो साता यता देखि सम्पूर्ण फुटबल गतिविधि ठप्प रहेका छन् भने कति पय ठूला लिगहरु अब सुचारु गर्नका लागी तयारीमा रहेका छन् ।
“मेरो प्रस्ताव सम्भव छ भने आगामी साताहरुमा प्रतिस्पर्धात्मक फुटबल नै नखेलौं भन्ने हो । बरु अर्को सिजनको लागि राम्रो प्रतिस्पर्धाका लागि तयारी गर्दा उचित हुन्छ,” फिफा मेडिकल कमिटीका अध्यक्ष डि हुगले बिबिसिलाई भनेका छन् ।
युएफाले युरापेली राष्ट्रका लिग कमिटीहरुलाई रोकिएका लिगको भविष्यका बारेमा निर्णय दिन मे २५ सम्मको समयसिमा तोकेको छ । उनीहरुले कि त लिग बन्द गर्ने वा सुचारु गर्ने बिषयमा निर्णय लिनेछन् । “अहिलेको स्थितिमा लिग गर्न सातो तिनो खतरा उठाउनु होइन,” डि हुगले भने ।
“यो त जीवन र मरणको बिषय हो । म सबैलाई लिग सुचारु गर्ने निर्णय लिनुभन्दा अगाडी सतर्क भएर सोच्न आग्रह गर्दछु । म एक चिकित्सकको रुपमा बोलिरहेको छु । मलाई लिगको आयोजकको रुपमा बोल्न आवश्यक छैन तर मेडिकल धारणा दिने हो भने म खेलहरु आयोजना गर्ने बिषयलाई लिएर संशंकित छु,” उनले भने ।