कोरोना भाईरसका कारण आर्थिक क्षति नहोस भन्दै बार्सिलोनाले देशको अर्थिक कोषमा पैसा जम्मा गराउन आफ्नो रंगशाला क्याम्प नोउको नामकारण अधिकार बेच्ने घोषणा गरिसकेको छ ।
नामाकरण अधिकारमा धेरै संघ संस्थाले टेण्डर भर्ने त छन् नै तर त्यस संस्था मध्ये एक गाँजा कम्पनीले पनि इच्छा देखाएको छ । रोचक कुरा त के छ भने उक्त कम्पनी पुर्व बिश्व हेभिवेट बक्सिङ्ग च्याम्पियन माइक टाइसनको हो ।
टाइसन मालिक रहेको कम्पनी टाइसन रान्चका अध्यक्ष रोब हिकम्यानले आफू क्याम्प नोउको नामाकरण अधिकारका लागि खुला रहेको उल्लेख गरेका छन् । हिकम्यानले टाइसन राञ्च अन्तर्गतको गाँजा कम्पनी हेर्दै आएका छन् ।
बार्साले २०२०–२१ सिजनका लागि आफ्नो स्टेडियम क्याप नोउको नाम बेच्ने घोषणा गरेको एक हप्ता पनि नबित्दै धेरै ठूला कम्पनीले बिड गर्न थालिसकेका छन् ।
