चाइनिज सुपर लिग क्लब ग्वांगजाउ एभरग्रााण्डीले पछिल्लो साता आफ्नो नयाँ रंगशालाको निर्माण कार्य थालेसँगै चिनले आफ्नो खेल क्षेत्रमा गर्दै आएको ठूलो लगानीलाई निरन्तरता दिने स्पष्ट पारेको छ ।
चिनले फुटबल बिकासका लागि ठूला लिग र बिश्व चर्चित खेलाडीहरु पनि भित्र्याउदै आएको छ । नयाँ अर्थिक बर्षमा अरबौँ डलर फुटबलका महत्वाकांक्ष योजनाहरुमा लगानी गर्दै फुटबलमा महाशक्ती बन्ने योजना चिनको रहेको छ । चिनको फुटबलमा ठूलो लगानीसँगै उ २०३० को विश्वकप पनि आफ्नो देशमा आयोजना गर्न लागि परेको छ ।
एक करोड सात लाख अमेरिकी डलरमा निर्माण गर्न लागिएको रंगशालाको आकार कमलको फूल जस्तो हुने छ भने दर्शक क्षमता एक लाखको हुने बाताइएको छ । २०२२ सम्म निर्माण लक्ष्य राखिएको रंगशालालाई बर्सिलोनाको घरेलु मैदन क्याम्प नोउ भन्दा ठूलो बनाउन लागिएको हो ।
चिनिया अरबपति मालिक रहेको एभरग्राण्गीले अर्को ८० हजार दर्शक क्षमताको रंगशाला बनाउने पनि घोषणा गरिसकेको छ । त्यो रंगशाला चिनमा ५० हजर दर्शक क्षमता भन्दा बढीका १२ औं रंगशालाको रुपमा रहनेछ । २०२१ को क्लब बिश्वकप र २०२३ को एएफसी कप गरी चिनले दुई ठुला प्रतियोगिता आयोजना गर्दैछ ।
“चिनले आफू पनि फुटबलमा अग्रसर हुन चाहेको हो र त्यो प्रस्ट देखिन्छ”, ओरेन्टल स्पोर्टसका पत्रकार जि युहाङले भने ।