बिश्वका चार मध्ये एक ग्राण्ड स्ल्याम टेनिस प्रतियोगिता युएस ओपन अगष्ट ३१ देखि न्युयोर्कमा शुरु हुनका लागि तय भएको छ । तर न्युयोर्क कोराना भाइरसका कारण सबैभन्दा बढी प्रभावित शहर भएको छ ।
न्युयोर्कमा १० हजार मान्छेले यो भाइरसका कारण ज्यान गुमाइसकेका छन् भने दुई लाख भन्दा बढी संक्रमित रहेका छन् । अमेरिकामा संक्रमित हुने हरुको संख्या ६ लाख नाघिसकेको छ । युएस ओपनको निर्णय जुन अघि लिइने छैन भने बन्द रँगशालामा खेलाइने हो भने प्रतियोगिता नहुने प्रबल सम्भावना रहेको छ ।
युनाइटेड स्टेट्स टेनिस एशोसिएसन (युएसटिए) ले प्रतियोगिता सञ्चालन गर्न सुरक्षित हुने नहुने बिषयमा अध्ययन गर्नका लागि मेडिकल परामर्श समुह पनि गठन गरेको छ । न्युयोर्कमा लकडाउन मे १५ सम्मका लागि बढाइएको छ ।
गत बर्षको युएस ओपन झण्डै ७ लाख ५० हजार मान्छेहरुले फ्लसिङ्ग मिडोजमा गएर प्रत्यक्ष रुपमा हेरेका थिए । यस बर्ष बन्द रँगशालामा युएस ओपन गराउने बिषयमा युएसटिएका प्रमुख कार्यकारी माइक डाउजले भनेः “अहिलेको स्थितिमा हामीले कुनै पनि छलफललाई टेबलबाट हटाइसकेको छैनौं तर बन्द रँगशालामा प्रतियोगितामा नुहेन सम्भावना उच्च रहेको छ ।”
बन्द रँगशालामा प्रतियोगिता गराइदा पनि धेरै मानिसहरुको सकृयता रहने छ । युएसटिए प्रतियोगिता तोकिएको समयमै गर्नका लागि तत्पर रहेपनि यसअघि युएस ओपनको मिति सार्ने इँगित भने गरेको थियो । “मेडिकल बिज्ञहरुले पूर्ण रुपमा सुरक्षित समाधान अगाडी नल्याएसम्म हामीले कुनै विकल्प देखेको छैनौं,” डाउजले भने ।