बिभागीय टोली त्रिभुवन आर्मी क्लबलाई रोमाञ्चक खेलमा ३–२ ले पाखा लगाउदै मनाङ मस्र्याङ्गदी क्लब १८ औँ आहा–रारा गोल्ड कपको फाइनलमा प्रवेश गरेको छ ।
पोखरा अन्तर्राष्ट्रिय रँगशालामा मनाङका लागि बिमल राना, अन्जन बिष्ट र विदेशी खेलाडी फ्लोरेन्टले गोल गरेका थिए । आर्मीका लागि भने भरत खवास र दिप कुमार लामाले गोल गरेका थिए । रोमान्चक बनेको सेमीफाइनल खेलमा आर्मीले पाएको मौकालाई सदुपयोग गर्न नसक्दा हार बेहोर्न पुगेको थियो ।
साहारा क्लब पोखराको आयोजना जारी प्रतियोगिताको विजेताले १० लाख १ हजार र उपविजेताले ५ लाख १ हजार रुपैयाँ प्राप्त गर्नेछ । मनाङले चैत्र १ गते हुने फाइनलमा अर्को बिभागीय टोली नेपाल पुलिस क्लबसँग खेल्ने छ ।
६ पटकको आहा रारा गोल्डकप बिजेता मनाङले फाइनल जित्नका लागि सक्दो मिहिनेत गर्ने प्रशिक्षक फुजा तोपेले बताएका छन् । डिफेन्स फितलो भएको कारण खेल हार्न पुगेको आर्मीका प्रशिक्षक नाबिन न्यौपानेले बताए ।