आयोजक रोयल स्पोर्ट्स सेन्ट्रलले प्रथम रोयल राष्ट्रव्यापी अण्डर–२३ पुरुष बास्केटबल प्रतियोगितामा सोमबार विजयी शुरुवात गरेको छ ।
ललितपुरको सानो गाउँस्थित रोयलको इण्डोर कोर्टमा भएको खेलमा आयोजकले बापेकलाई ७१–६१ ले पराजित गर्यो । रोयलका लागि निश्चल महर्जनले २२ स्कोर गरे । निश्चल नै ‘म्यान अफ द म्याच’ बने । पहिलो क्वार्टरमा १८–१४ को अग्रता लिएको रोयल दोश्रोमा २०–२४ ले पछि प¥यो । रोयलले तेश्रोमा १९–१२ र चौथोमा १४–११ को अग्रता लिएको थियो ।
प्रतियोगिताको महालक्ष्मी नगरपालिकाका मेयर रामेश्वर श्रेष्ठ र नेपाल बास्केटबल संघका महासचिव नरेन्द्र थापाले संयुक्त उद्घाटन गरे । विजेताले ५० हजार नगद पुरस्कार प्राप्त गर्ने छ ।
‘मोस्ट भेलुएबल प्लेयर’ लाई १० हजार नगद प्रदान गरिने छ । प्रतियोगितामा १० टिम सहभागी छन् । सहभागी टिमह?मा आयोजक रोयलसहित जेभियर इन्टरनेसनल, टाइम्स, हिमालयन ह्वाइटहाउस, साइपाल एकेडेमी, गोल्डेनगेट, बापेक, कास्की, बूढानीलकण्ठ र सोलो बास्केटबल रहेका छन् ।
