१९ बर्षिय नर्वेजियन स्ट्राइकर एर्लिङ्ग ब्रुट हालान्डले उत्कृष्ट फर्मलाई निरन्तरता दिदै दुई गोल गरेपछि बोरुसिय डर्टमण्डले च्याम्पिय लिग प्रि–क्वार्टरफाइनल अन्तर्गत पहिलो लेगमा पेरिस सेन्ट जर्माइनलाई २–१ ले पराजित गरेको छ ।
डर्टमण्ड जानुअघि म्यानचेस्टर युनाइटेडसँग नाम जोडिएका हालान्डले दुवै गोल दोश्रो हाफमा गरेका थिए । राफेल गरेरोले गरेको प्रहारको रिबाउण्डमा गोल गर्दै हालान्डले जर्मन क्लबलाई ६९ औं मिनेटमा अग्रता दिलाएका थिए । त्यसको ६ मिनेटपछि नै किलियन एमबाप्पेले गोल गर्दै खेल बराबरीमा ल्याएका थिए ।
लगत्तै हालान्डले २० यार्डबाट गरेको सशक्त प्रहार उत्कृष्ट गोलमा परिणत भएपछि डर्टमण्डले पेरिसमा हुने दोश्रो लेगका लागि अग्रता लिन सफल भयो । अवे मैदानमा गरेको गोलका कारण पिएसजीलाई अब पेरिसमा १–० को मात्रै जित पनि क्वार्टर फाइनल प्रवेश गर्नका लागि पर्याप्त हुनेछ ।
हालान्डले यो सिजन २९ खेलबाट ३९ गोल गरिसकेका छन् भने जनवरीमा डर्टमण्ड आए यता सात खेलमा ११ ।
