नेपालकी स्ट्राइकर साबित्रा भण्डारीले दुई गोल गरेपछि गोकुलम केरला एफसि सेथु एफसीलाई पराजित गर्दै भारतीय महिला लिगको फाइनलमा प्रवेश गरेको छ ।
साबित्राले दुई गोल गर्दा सेथु ३–० ले पराजित भयो । सेथुबाट अर्की नेपाली फुटबल अनिता बस्नेत खेलेकी थिइन् । साबित्राले ४४ औं र ८४ औं मिनेटमा गोल गरेकी थिइन् । लिगमा साबित्राले अहिलेसम्म १५ गोल गरिसकेकी छिन् ।
उपाधिका लागि गोकुलमले अब क्रिफ्साको सामना गर्नेछ । क्रिफ्साले अर्को सेमिफाइनलमा केंक्रेलाई ३–१ ले हराएको थियो । क्रिफ्सा समुह ए को बिजेता रहेको थियो भने साबित्राले लिग दौरान नै उत्कृष्ट प्रदर्शन गर्दा गोकुलम समुह बी को बिजेता बनेको थियो ।
दुवै टोलीलले समुह चरणका पाँच वटै खेलहरुमा जित हात पारेका थिए । अनिताको सेथु लिग चरणमा क्रिफ्सासँगै हार्न पुगेको थियो ।