कप्तान लियोनल मेस्सीले दुई गोल गरेपछि बार्सिलोना लेगानेसलाई ५–० को फराकिलो अन्तरले पराजित गर्दै कोपा डेल रेको क्वार्टर फाइनलमा प्रवेश गरेको छ ।
ला लिगामा भ्यालेन्सियासँग स्तब्ध भएको बार्साले क्याम्प नाउमा भने उत्कृष्ट प्रदर्शन गरेको थियो । पहिलो हाफमा एन्टोइन ग्रिजमन र क्लेमेन्ट लेँगलेटले एक–एक गोल गरेपछि बार्साले दुई गोलको अग्रता लिइसकेको थियो ।
मेस्सीले त्यसपछि तेश्रो र पाचौं गोल गर्दै बार्सिलोनाका लागि आफ्नो गोल संख्या ६ सय २३ पु¥याएका थिए । आर्थरले चौथो गोल गरेका थिए । मेस्सीले बार्सिलोनाका लागि ५ सयौं खेल जितेका हुन् । अन्तिम आठमा प्रवेश गर्ने अन्य टिममा रियल म्याड्रिड, भ्यालेन्सिया, एथ्लेटिक बिल्बाओ, भिल्लारियाल, ग्रानडा, रियल सोसिडाड र मिरान्डेस रहेका छन् ।
सेभियालाई स्तब्ध पार्ने क्रममा मिरान्डेसले ३–१ को जित हात पा¥यो । कोपा डेल रेको क्वार्टर फाइनल प्रवेश गर्ने मिरान्डेस स्पेनको प्रथम श्रेणी बाहेकको एक मात्र टोली हो ।
