वेस्ट इण्डिज भेट्रान अलराउण्डर ड्वोयन स्मिथ यहि चैतमा आयोजना हुने एभरेस्ट प्रिमिएर लिग (ईपिएल) मा भैरहवाबाट ग्ल्याडियटर्सबाट खेल्ने खेल्ने भएका छन् ।
३६ बर्षीय स्मिथले वेस्ट इण्डिजको तर्फबाट १० टेस्ट, १०५ एक दिवसीय र ३३ ट्वान्टी ट्वान्टी अन्तरास्ट्रिय खेल खेलेका छन् । आक्रमक ब्याट्सम्यान र मध्यम गतिका बलर स्मिथले टेस्टमा ३२० रन तथा सात विकेट लिएका छन् भने एकदिवसीयमा १५६० रन बनाउनुको साथै ६१ विकेट आफ्नो नाममा लेखाएका छन् । त्यस्तै उनले ट्वान्टी ट्वान्टी अन्तरास्ट्रिय खेलमा ७२ रन र सात विकेट दर्ता गराएका छन् ।
स्मिथले चेन्नाई सुपर किंग्स र डेकन चारजर्सबाट इन्डियन प्रिमिएर लिग आईपीएल खेलेका थिए ।
ट्वान्टी ट्वान्टीमा स्मिथले ३३७ खेलमा सात हजार आठ सय ७० रन बनाउनुको साथै ११० विकेट हात पारेका छन् ।