बिग ब्यास लिग अन्तर्गत ब्रिस्बेन हिट बिरुद्धको खेलमा नेपाली राष्ट्रिय टोलीका युवा लेग स्पिनर सन्दिप लामिछानेले किफायती बलिङ गरेका छन् भने एक विकेट पनि हात पारेका छन् । चार ओभर बलिङ गरेका सन्दिपले १६ रन खर्चंदै एक विकेट हात पारेका हुन् ।
पहिलो र दोश्रो ओभरमा समान ३-३ रन खर्चिएका सन्दिपले तेश्रो र चौथों ओभरमा समान ५-५ खर्चिंदै एक विकेट हात पारे । सन्दिपले आफ्नो तेश्रो ओभरको चौथों बलमा ३१ बलमा ३४ रन बनाएका ब्रिस्बेनका कप्तान क्रिस लिनको विकेट लिएका हुन् ।
सन्दिपको ट्वान्टी ट्वान्टीमा ९९ विकेट
सन्दिप ट्वान्टी ट्वान्टीमा १०० विकेट लिने पहिलो नेपाली बलर बन्ने संघारमा रहेका छन् । आजको खेलमा सन्दिपले अब एक विकेट लिनसकेको खण्डमा उनी ट्वान्टी ट्वान्टीमा १०० विकेट लिने पहिलो नेपाली बलर बन्ने छन् ।
सन्दिपले हाल सम्म १८ वटा ट्वान्टी ट्वान्टी अन्तरास्ट्रिय र ५५ वटा ट्वान्टी ट्वान्टी खेलमा क्रमसः २८ र ७१ विकेट निकाल्दै ९९ विकेट आफ्नो नाममा दर्ता गराई सकेका छन् ।
सन् २०१८ मा इन्डियन प्रिमिएर लिग (आईपीएल) अन्तर्गत रोयल च्यालेनजर्स बिरुद्धको खेलबाट ट्वान्टी ट्वान्टीमा डेब्यु गरेका सन्दिपले बिग ब्यास लिग, क्यारेबियन प्रिमिएर लिग, पाकिस्तान सुपर लिग, बंगलादेश प्रिमिएर लिग र अफगानिस्तान प्रिमिएर लिगमा सहभागीता जनाईसकेका छन् ।