भारतको सहज जीत 

श्रीलंका बिरुद्धको दोश्रो ट्वान्टी ट्वान्टी खेलमा भारतले सात विकेटको सहज जीत हात पारेको छ । आजको जीत पछि भारतले तीन खेलको शृंखलामा १-० को अग्रता लिएको छ ।

जीतका लागि १४३ रनको मध्यम लक्ष्य भारतले १७ दशमलब तीन ओभर खेल्दै तीन विकेटको नोक्सानीमा पार गर्यो ।

भारतको जीतमा ओपनर केएल राहुलले ३२ बलमा सर्वाधिक ४५ रन जोडे भने अर्का ओपनर शिखर धवनले पनि ३२ रनको पारी खेले । त्यस्तै श्रेयस ऐयरले ३४ तथा कप्तान बिराट कोहलीले अविजित रहँदै १७ बलमा ३० रन बनाए ।

यस अघि खेलमा टस हारेर पहिले ब्याटिंङ गरेको श्रीलंकाले पुरै २० ओभर खेल्दै नौं विकेटको क्षतीमा १४२ रनको मध्यम योगफल तयार पार्न सक्यो ।