भारीको ह्याट्रिकमा आर्मी सेमीमा 

बायाँ हाते स्पिनर सुशन भारीले ह्याट्रिक सहित सात विकेट लिए पछि इनरुवामा जारी मनमोहन मेमोरियल कप एकदिवसीय क्रिकेट प्रतियोगिता अन्तर्गत आयोजक टिम मनमोहन मेमोरियल क्रिकेट सेन्टर इनरुवा (एमएमसीसीआइ) लाई १० विकेटको फराकिलो अन्तरले पराजित गर्दै सेमीफाइनलमा प्रवेस गरेको छ ।

पहिलो खेलमा एपीएफ क्लबलाई १०८ रनको फराकिलो अन्तरले पराजित गरेको आर्मी दुईमा दुई नै जीत निकाल्दै समुह ‘ए’ को समुह बिजेताका रुपमा सेमीमा प्रवेस पाएको हो ।

भारीले घातक बलिङ गरे पछि खेलमा टस टस जीतेर पहिले ब्याटिंङ गरेको इनरुवा १९ दशमलब तीन ओभरमा आफ्ना सबै विकेट गुमाएर मात्र ५६ रन बनाउन सक्यो । जवाफी ब्याटिंग गरेको आर्मीले पाँच ओभर खेल्दै बिना विकेटको क्षतीमा जीत आत्मसाथ गर्यो ।