आर्सनलका नयाँ व्यवस्थापक मिकेल आर्टेटाले आफूले तीन बर्ष अगाडी छोडपछि गुमेको क्लबको जोश परिवर्तन गर्नुपर्ने आवश्यकता रहेको बताएका छन् ।
नोभेम्बरमा लगातारको खराब परिणामपछि उनाई एमेरीलाई बर्खास्त गरेको आर्सनलले शुक्रबार ३७ बर्षीय आर्टेटालाई साढे तीन बर्षका लागि अनुबन्धन गरेको थियो । यसअघि म्यानचेस्टर सिटीमा सहायक प्रशिक्षक रहेका आर्टेटाले अहिलेसम्म कुनै पनि क्लब पूर्ण रुपमा सम्हालेका भने थिएनन् । यो क्लबलाई म निकै सम्मान गर्छु ।
“यदि मलाई म तयार छैन भनेर लागेको भए म शायद आज यो कुर्सिमा बसिरहेको हुने थिइन,” आर्टेटाले नियुक्त भए लगत्तैको पत्रकार सम्मेलनमा आत्मबिश्वासको साथ भने ।
“क्लब व्यवस्थापन गर्ने मेरो पहिले देखि कै सपना रहेको थियो । जुन दिन मैले क्लब छोड्ने निर्णय लिएका थिए मैले त्यही समय मैले धेरैलाई भनेकै थिए की म बाहिर गएर तयारी गरेर फेरि आउनेछ । म यो चुनौतिका लागि पछिल्लो केही बर्षका लागि तयारी गरिरहेको थिए । मलाई यो क्लबको इज्जत र उचाईको बारेमा राम्रो ज्ञान छ र म बाट गरिएको अपेक्षाको बारेमा पनि । म यो चुनौतिका लागि तयार छु,” आर्टेटाले थपे ।
आर्टेटाले आर्सनलको कप्तान पनि बनेका थिए भने गनर्ससँगको पाँच बर्षीय प्लेयिङ करिअरमा दुई वटा एफए कप पनि जितेका थिए । पछिल्लो खेलमा घरेलु मैदानमै म्यानचेस्टर सिटीसँग पराजित भएको आर्सनल अहिले प्रिमियर लिगको १० औं स्थानमा रहेको छ । आर्टेटा उक्त खेल हेर्न एमिरेट्स पुगेका थिए ।
“पहिलो काम भनेको क्लबको जोश परिवर्तन गर्ने नै हो । पछिल्लो हप्ता म त्यही थिए र मलाई अलि नराम्रो लागेको थियो । मैले यसका लागि सबै जनाको दिमाग एकै सरह चलाउनु पर्नेछ । हामीले सहि संस्कृतिको निर्माण गर्नुपर्नेछ । हामी यसरी नै चल्नुपर्नेछ भनेर मैले सबैलाई स्पष्ट पार्नुपर्नेछ ।”
