स्पेनको चौथो श्रेणीको क्लब बेसेरिल कोपा डेल रेको खेलमा बिहिबार रियल सोसिडाडसँग ८–० को फराकिलो अन्तरले पराजित भयो ।
तर सोसिडाडका अध्यक्ष जोकिन एपेरिबेले बेसेरिलका पुरै गाँउलेहरुलाई सोसिडाडले खेल्ने भविष्यको एक खेलका लागि निमन्त्रण दिन पुगेका छन् ।
उत्तरी स्पेनको सानो गाँउ बेसेरिलमा ७ सय ५४ मानिस बस्छन् । र एपेरिबेले बिहिबारको जितपछि सिँगो गाँउलाई नै ला लिगामा सोसिडाडको आगामी म्याच हेर्न निमन्त्रण दिएका थिए । आफ्नो रोजाइको कुनै पनि खेलमा बेसेरिलका जनता, क्लबका खेलाडी, पदाधिकारी सबैलाई सोसिडाडले यातायात, टिकट र डिनरको प्रायोजन गरिदिनेछ ।
“त्यही खेल (सोसिडाबिरुद्ध) पनि हाम्रो लागि फुटबलको पर्व रहेको थियो । हामीलाई सोसिडाडले गरेको व्यवहार र फराकिलो हारपछि दिएको सहानुभुति प्रति हामी आभारी छौं । अब हामी हाम्रो क्यालेन्डर हेर्छौ र त्यही अनुसार सोसिडाड जाने निर्णय लिन्छौं,” बेसेरिलका अध्यक्ष हुँवा एन्टोनियो रेडोन्डोले भने ।