मोहम्मद सलाहले दुई गोल गरेपछि लिभरपुलले इङ्गलिस प्रिमियर लिगमा वाट्फोर्डलाई २–० ले पराजित गर्दै अंक तालिकामा आफ्नो अग्रतालाई कायम राखेको छ ।
एन्फिल्डमा वाट्फोर्डले दवाब बनाइरहदा सलाहले ३८ औं मिनेटमा उत्कृष्ट फिनिसिङ्ग गर्दै लिभरपुललाई अग्रता दिलाएका थिए । पेनाल्टी बक्सको ठ्याक्कै बाहिर दाया खुट्टाले प्रहार गर्दै टप कर्नरको जाली चुमाएका थिए ।
९० औं मिनेटमा सलाहले लिभरपुलको जित सुनिश्चि गरे । डिभोक ओरिगिले सादियो मानेबाट पाएको बल गोल लाइन अगाडी नै निकालेपछि सलाहले गोलकिपर त्रिश्चियन काबासेलेको ताँगमुनिबाट गोल गरेका थिए । गोल निश्चित गर्न रेफ्रिले भारको सहारा लिएका थिए ।
व्यवस्थापक योर्गन क्लोप लिभरपुलमै २०२४ सम्मै रहने गरि नयाँ सम्झौता गरेको भालिपल्ट लिभरपुलले लिगमा आफ्नो अपराजित यात्रालाई कायम राखेको हो । लिभरपुलको १७ खेलबाट ४९ अंक रहेको छ ।
लेस्टरले शनिबार नै नर्विच सिटीलाई पराजित गरेको खण्डमा लिभरपुलको अग्रता फेरि ८ अंकमा झर्नेछ ।
